Isʼin faʼaitʼa

Kʼiatsa tsín si̱chjén je kjoankjíntokon xi tjínná toxitsjoani. Machjén nga nangitokon koaan kʼianga kʼoasʼiaan jmeni xi sakóyaná. I̱ kjoaʼmiya jebi kui jchaa xi tʼatsʼe kjoanangitokon kʼoa josʼin chjénngilee je choa̱ xi tsakatío je choʼndale Niná nichxin kjoatse nga kitsoyale toʼya chjotani, nga tsakʼétsʼoantjai xi kjaʼaí kʼoa nga je Jeobá kisinʼiotʼa nga koasenkao.

Nga nʼio ñʼai chon nichxin xi tiyoaa ndʼaibi, nʼio tse kjoa tjín kʼoa síkinroajen tokoán. Je Jeobá kao Jesús mele kuinyakaoná, tonga kʼoati machjén nga si̱nʼioá kon kʼoa nga si̱nʼiojiaan xíngiaa. Kjoaʼmiya jebi kui kuitsoyaná josʼiaan.

Jé Jeobá je “Niná xi tsjoa tjínle” kʼoa mele nga kʼoati tsjoa katasatío kon je choʼndale. Jméni xi sʼiaan nga tojo tsjoa sa̱tío tokoán ninga nʼio tse kjoa kuitjátojiaan i̱ sonʼndele Na̱i. Kʼianga kinchja̱ya je Jesús jngo sonnindo, nkjín koya kisikʼaxki̱ jmeni xi koasenkaoná.

Je chjota xi tjín sonʼnde to yaole fini, tonga je chjotale Cristo bakó nga tjínle kjoatsjoacha. Jngo koya josʼin bakoá kuinga bakolee kjoanda xi ngikʼa, tojosʼin jchaa nga jao kjoaʼmiya jebi. Xi títjon, kui jchaa josʼín je Jeobá, kʼoa xijekoa̱n, nkjín koya jchaa josʼin koa̱n chjénngilee.