“Josʼin koa̱n kjoáyoaa je rebista”

Je xo̱n jebi xki̱ sá faʼaitʼa jñani kʼoatso josʼin koa̱n kjoáyoaa je rebista. Ali tsakuijin xá faʼaitʼani jebi nga kʼia kʼuínyayeje jme xi tínchja̱ni je rebista, tokuikjoan nga sa̱kóya josʼin koa̱n kjoáyoaa. Je ndsʼee xi kui bʼakaole tojngo jao én nchja̱ nga bʼétsʼiakao. Xijema, kjonangile je xíngiaa jmé kjoaʼmiya xi sichjén kʼianga kjoayole rebista je chjota, kʼoa je ndsʼee xi ngikʼa kʼoati kui kjoaʼmiya kotsenle kʼoa bʼétʼaxon je kjoafaʼaitsjen xi sichjén. Je ndsʼee xi bʼakaole tokui xi skónangile je xíngiaa jmé kjoachjonangi kʼoa jmé testoni xi sichjén kʼianga kjoayo je rebista, ali tsakuijin nga kʼoakuitsoyeje jokuitsole je chjota. Xi tofetʼani, kʼiaa faʼa je xíngiaa xi bakóchoya josʼin sʼeyo nga jngó jngó rebista. Kʼoaʼmilee je xíngiaa nga tongini katakotʼaya je rebistale kʼoa nga katatsjoá énle nga sʼejnaná kjoajtín. Kʼiatsa tongini kuiyondaa ngatsʼiaa kʼoasʼin kuinyakaongañá xíngiaa (Prov. 27:17).