A mangínchotsenlee je xo̱n xi sʼeyotʼa ya tablero

Je xi nʼio kotsenle xo̱n xi sʼeyotʼa ya tablero jéní je ndsʼee xi chjotajchínga sʼin tjío, xi siervo ministerial ma kʼoa kao xi xá kjinele ya jinjtín ánni nga besíni tsa jme xi bʼakaole. Tonga kʼoati ya sʼetʼa xi machjén nga sʼe̱jinná ngatsʼiaa. Tobʼelañá, kʼiáni bʼakaoná nga si̱tsjee Ndʼia jña chotʼayá, je xo̱n xi síkasén sucursal kʼoa kao superintendente xi tsʼe circuito kʼoa joʼmi je kjoanokjoaya xi faʼa nga xki̱ xomana, ánni nga koa̱n kʼoakʼuínsínilee je chjota xi tiʼmiyalee Biblia. Kʼoati ya sʼetʼa tsa kʼoantjaiya je ora josʼin sa̱tío kjoajtín kʼoa tsa jmesani, jolani tsakui kʼoantjaiya josʼin tjínndajin je grupo jña bʼakaoná nga ʼmiyasoán. Ngayeje jebi likui tikʼia kʼoaʼmininá nga satíoná kjoajtín, kʼoa sakʼoa likui kʼoamale je xi chjotajchínga sʼin tjío nga bájinkon ngatsʼi xíngiaa xi jetsoyason. Kuinga machjénsíni nga kjitʼa chótsenlee je xo̱n xi sʼeyotʼa ya tablero. Kʼiatsa kʼoéxkiaa xo̱n jebi “ndiaandiaa” si̱tjosoán ngayeje (1 Cor. 14:40).