Tojngo kjoaʼmiya chja̱kaoni chjota, tonga tjayui nga jao rebista

Nkjín koya jmeni xi nchja̱ni je rebista xi koa̱nndosinle chjota. Tonga ngisa nda tsa tojngo kjoaʼmiya xi ya nroatʼa je rebista chja̱kaoñá tikʼoajinni tsa nkjín kjoaʼmiya kʼuínyalee. Tsa kuenta sʼiaan jochon niʼyale chjota kʼoa tsa jeʼyaa jme xi tínchja̱ni je rebista xi kichʼá, koaan chjoéjin jngoaa kjoaʼmiya xi faʼaitʼa Xo̱n xi Bájinkonná kʼoa tsakuije̱ xi faʼaitʼa ya ¡Despertad! xi koa̱nndosinle je chjota. Tobʼelañá, tsakui xi sískákao xtiʼndí tjíobasen jña kuichoaa koaan kui chjoéjin jngoaa kjoaʼmiya xi tʼatsʼe familia tínchja̱ni. Kʼoa tsa jngo xi xʼin sa̱téjiaan koa̱njin kui chjoéjiaan jngo kjoaʼmiya xi koa̱nndosinle, jolani tʼatsʼe kjoa xi tjín kʼoa tsakuije̱ nga machjénná jngo chjotaxá xi nda koatexoma. Ninga tojngo kjoaʼmiya chja̱kaoñá je chjota, tongisa nda nga kjoáyolee nga jao rebista tsa kamandosinle.