Nga chotʼayajin ijngokʼa xi faʼa ya Skuela

Je kjoachjonangi xi faʼaitʼa ibi kʼiaa chótʼayajin je xomana xi fitsʼiani 26 sá agosto nó 2013. Je sá xi tjíotʼa nga jngó jngó kjoachjonangi kui xá tjíotʼani nga kʼia kuijnyísjaijiaan nga jngó jngoá je xomana nga bʼakaole.

1. Jósʼin binyakoaa ndsʼee kʼianga kjoañʼai faʼatojin (Hech. 11:27-30). [1 sá jul., jl kjoaʼmiya 18 párr. 2.]

2. Jósʼin kisʼendiaale je naxinandále Cristo nichxin kjoatse, xi tojo kui choa̱ tífitjenngi ndʼaibi je Cuerpo Gobernante (Hech. 15:2, 25). [8 sá jul.,jl kjoaʼmiya 20 párr. 1.]

3. Jókoanni tsʼatsen je relijión ndiso xi kʼoati chjotale Cristo kitsole yaole kʼianga jekʼien pastro (Hech. 20:29, 30). [15 sá jul., jl kjoaʼmiya 3 párr. 1.]

4. Kʼiatsa mená nga nda kuiyoaa ngixko̱n Jeobá, ánni nga tsín tsa toyatje̱n tíjnasíni nga nyʼán katasʼe kjoafaʼaitsjenná (Hech. 23:1). [22 sá jul., lv p. 17 párr. 8, chótsenlai ya nota.]

5. Jósʼin chjénngilee je pastro Pablo kʼianga koakolee kjoaxkóntokon toʼya chjotani xi xá tjínle (Hech. 26:2, 25). [29 sá jul., lv p. 45 párr. 19.]

6. Jméni xi tjínnele sʼin xi xijchá ma nga nda choa̱ koatiole je ʼndíxtile nga ñaki kixi koa̱n, kʼoa jósʼin kuichomani tsa kʼoasʼin (Rom. 2:21). [5 sá ago., lv p. 163, 165 párr. 9.]

7. Jósʼin síkitsón kʼa yaole je chjotale Cristo xi totʼatsʼe nga tsín male kjoejin je kjoasʼetsaojin xi tjín, kʼoa jókji tse kjoa bichómani nga kʼoasʼín (Rom. 3:13-18). [5 sá ago., lv p. 64, 65 párr. 6.]

8. Tojo tso ya Romanos 7:2, jméni xi skónangile yaole jngo tichjaa xi sʼa toje tíjna nga skoe̱ tsa jetíjnanda nga kuixan. [12 sá ago., lv p. 116, 117 párr. 16.]

9. Jósʼin tsoyanile kʼianga i̱ tso Biblia “tʼetsʼoantsjao” (Rom. 12:12). [19 sá ago., bh p. 170 párr. 14.]

10. ʼYáni je “chjota xi xá tjínle” tsole ya Romanos 13:1-7, kʼoa jósʼin bakolee kjoaxkóntokon. [26 sá ago., lv p. 44 párr. 18.]