Nga chotʼayajin ijngokʼa xi faʼa ya Skuela

Je kjoachjonangi xi faʼaitʼa ibi kʼiaa chótʼayajin je xomana xi fitsʼiani 30 sá diciembre nó 2013 nga sʼe̱jna je Skuela xi síchjine choʼndale Niná. Je sá xi tjíotʼa nga jngó jngó kjoachjonangi kui xá tjíotʼani nga kʼia kuijnyísjaijiaan nga jngó jngoá je xomana nga bʼakaole.

1. Jósʼin bakó josoyoaa kʼoa jokjoan najño xi chʼakjá nga kui nitjosoán kjoatéxomale Niná (Tito 2:10, Traducción del Nuevo Mundo). [4 sá nov., jl kjoaʼmiya 8 párr. 3.]

2. Ánni nga nʼio tse kjoatsjoacha tíbakósíni Jeobá nga je Jesús kʼoa kao xi jngo siento kao ñachanño jmi mani kiskoejin nga koatexomale chjotasonʼnde (Heb. 4:15; 5:8). [11 sá nov., bh p. 78, 79 párr. 10.]

3. Jósʼin basenkaoná nga ʼyaa je xi bichó kjoajtínná (Heb. 10:24). [18 sá nov., jl kjoaʼmiya 6 párr. 2.]

4. Nga ngisasa koa̱nchriantʼalee je Jeobá, jméni xi koa̱n sʼiaan je Nichxin nga chotʼayajtían énle Niná ya niʼyaná (Sant. 4:8). [25 sá nov., jl kjoaʼmiya 10 párr. 2.]

5. Ánni nga tsjoa masíniná nga tsín tongini tsakjaʼáxin Jeobá je kjoatsʼen xi tjín (2 Ped. 3:9, 10). [2 sá dic., bh p. 112, 113 párr. 17.]

6. Tsa mená kuiyoaa ngantsjai nichxin, ánni nga tjínnesínile chja̱ʼaxinlee yaoná tojme kjoajticha xi tjínná tʼatsʼe chjota xi kjaʼaí (1 Juan 3:11, 12, 15). [9 sá dic., bh p. 127 párr. 6.]

7. Jósʼin bakó ya Apocalipsis 3:14 nga kixi tíjna nga testigole Jeobá ʼminá. [16 sá dic., jl kjoaʼmiya 2 párr. 4.]

8. Jmé xi tísʼín ndʼaibi je gobierno xi tsʼe Niná, xi tsonile, je Chjotaxále, kʼoa jméni xi tjínnele sʼiaan nga ʼyaa xi tʼatsʼe jebi (Apoc. 7:9, 14, 16, 17). [23 sá dic., fg p. 15 párr. 3.]

9. Ánni nga kʼoasikji kjoañʼai tjínsíni (Apoc. 12:9). [23 sá dic., bh p. 108 párr. 7.]

10. Jméni xi koa̱n je “nichxin nga sʼe̱ndajin” (Apoc. 20:11, 12). [30 sá dic., bh p. 213-215.]