Chja̱kaonajmíñá chjota je énnda chjotse jokji tjen kʼoakoa̱nná

1. Jméni xi bakóyaná je choa̱le David.

¹ Je rey David alikui kisikʼajenle kon ninga tsín koan kʼoakisʼin sakʼoa jmeni xi mele tsakai. Tobʼelañá, koanmele nga jngo niʼya tsakʼénda jñani jchaxkón Jeobá, tonga likui kitjoʼndele nga je tsakʼénda. Tosa kui xi kisʼin nga je tsakatíonda ngayeje xi koanchjénle je Salomón nga tsakʼénda niʼya jebi (1 Rey. 8:17-19; 1 Crón. 29:3-9). ʼNdele nga sibale yaole, tosa kui kisikjaʼaitsjen jmeni xi koan kʼoakisʼin. Jósʼin koa̱n chjénngilee je choa̱le David nga kuinókjoañá tʼatsʼe Chjotaxále Niná jokji tjen kʼoakoa̱nná.

2. Jméni xi koa̱n si̱kjaʼaitsjenjiaan.

² Kʼoasʼiaan jokji tjen kʼoakoa̱nná. Nkjín xi kʼoasʼin bʼéndajin nga tochoasa tsojmi sʼele ánni nga precursor regular kʼoa tsa auxiliar sʼin síxásíni (Mat. 6:22). A koaan nga kʼoati sʼiain tsanda ji. Tʼetsʼoalai je Jeobá nga si̱kjaʼaitsjenjin xi tʼatsʼe jebi. Tsakuini nichxin koa̱n nga tsesa si̱xálai. Tsa koa̱n nga kʼoasʼin si̱xái, ali nikʼatojin kjoanda jebi (1 Cor. 16:8, 9).

3. Jméni xi koa̱n sʼiain tsa tsín kʼoakoa̱nli nga precursor sʼin si̱xái.

³ Jméni xi koa̱n sʼiain tsa tsín kʼoakoa̱nli nga precursor sʼin si̱xái. Tobʼelañá, koaan tsa je chja̱kaonajmíni Énle Niná je chjota xi ñatjen nixái. Kʼoa tsa chʼin tíbʼetʼali, kʼoati koa̱n chja̱kaonajmíni énnda chjotse je chjinexki. Kʼoati tikjaʼaitsjain nga je xi tsín tinanda kʼoamanile nga tsoyason, jolani je xi jenʼio jchínga kʼoa kao xi chʼin tjíobʼetʼale, koaan tsa xjaʼaon, tsa kante kʼoa tsa ñachan aon minuto sikʼasʼen nga xki̱ sá. Koaan kʼoétʼai ya informeli jokji tse nga kichjakaonajmíni Énle Niná je chjota xi kiskajin, je xo̱n xi tsakʼailai chjota, jotjín tratado kao xo̱n tsakjayui xi nikʼabísoán nga faʼaitsjenya je kjoabiyale Cristo kao tsʼe kjoajtíntse xi jan nichxin. Nʼiojin tsjoa koa̱nli nga jchai josʼin tinixálai Jeobá tsa kʼoasʼiain.

4. Jméni xi tiyondaa nga kʼoasʼiaan.

⁴ Jokji tjen kʼoakoa̱nná, kʼuínyaa je énnda chjotse tojñani. Tsa kʼoasʼiaan, nʼiojin tsjoa sʼe̱ya tokoán nga tiʼmiyasoán xi tʼatsʼe Chjotaxále Niná jokji tjen tíbichó nganʼioná (Mar. 14:8; Luc. 21:2-4).