Xi nʼio tsaʼyale josʼin koanxá

Kʼiaa nga 1 sá abril kisʼejinkon ngatsʼi je superintendente xi tsʼe circuito jme circuito xi sixatʼa fitsʼiakjoanni nga 1 sá septiembre nó 2015. Nga kʼoasʼin kisʼendajin, je xi 777 circuito tjío jotjín naxinandá kjinentsja je sucursal, jngokʼa kinikʼantjaiya je superintendente xi tsʼe circuito xi síxatʼa. Kʼoa tjen septiembre nó 2014 saʼnda agosto nó 2015 ngi 35 circuito chjotse kisʼetsʼiakao. Nga kʼoasʼin nʼio síxá je ndsʼee kao tichja xi superintendente xi tsʼe circuito ma nʼio ʼyachjiá jmeni xi tjíosʼín. Kui choa̱ tjíofitjenngi jokisʼin je Pablo kao Bernabé nga nʼio nkjín ora kitsoyason kao je ndsʼe̱ nga tsakakóyason je énnda chjotse xi tʼatsʼe Jeobá (Hech. 15:35, TNM).