A ñaki makjainli jme xi tso je Jeobá nga sʼin

Je Josué kao Salomón kʼoakitso nga nijngojin én xi tongini kitso Jeobá xi tsín kitjoson (Jos 23:14; 1Re 8:56). Jmeni xi kitso nga jao chjota jebi ngisaa sítajasa kjoamakjainná (2Co 13:1; Tit 1:2).

Nga jchaa josʼin kitjoson je én xi tongini kitso je Jeobá kʼianga tsakʼejna Josué, koaan chótsenlee pelíkula Nijngojin énle Jeobá xi tsín kitjoson. Xijekoa̱n, chótʼayajiaan kjoachjonangi jebi: 1) Jósʼin chjénngiaa kjoamakjain xi kisʼele Rahab (Heb 11:31; Snt 2:24-26). 2) Jósʼin bakó jme xi koantʼain je Acán nga tsín nda bichótsjoá nga tsín nitjosoán. 3) Ninga nʼio nda koanle kiskan je chjota gabaonita, ánni nga totsakʼéndisoni nga jngo kjoa tsakʼéndajin kao naxinandá Israel. 4) Jósʼin kitjoson je én xi tongini kinchja̱ Jeobá kʼianga kichone naxinandá Israel je xi aon reyle chjota amorreo (Jos 10:5-14). 5) Jmé xi tísʼín Jeobá tʼatsi kʼianga kui tinikʼéjna títjuin je xále (Mt 6:33).

Kʼianga nikjaʼaitsjenjiaan jmeni xi kisʼin Jeobá, jmeni xi tísʼín ndʼaibi kʼoa jmeni xi sʼin nichxin xi nroaján, ngisaa matajasa kjoamakjainná nga ñaki kuitjoson jmeni xi tso (Ro 8:31, 32).