Ali nixa̱njinlai

4:16-18

Si̱kjaʼaitsjenjinla tʼatsʼe jao familia xi ya tjíoʼya jngo ndʼia jñani jenʼio jchá kji kʼoa xi tojeme bixojen, jngo familia xi nʼio síkjáojin, tonga je xi ijngo nʼio tsjoa tjíole nga̱ be nga jeme ya koaikatio jngo ndʼia xi sʼa kisʼenda chjotse xi naskánakji.

Ningalani ʼyaa “nga ngatsʼi xi kisʼenda sonʼndebi saʼnda ndʼaibi, tojngo tsene, kʼoa tojngo jo ma̱ sʼín”, tonga ñá xi Niná nixálee tjínná kjoachoya kʼoa kui xi basenkaoná nga kaná je kjoa xi bitjatojiaan (Ro 8:22). Ninga sʼa choatse kʼoa ninga jenkjín nó nga kjoa tibitjatojiaan, ʼyañá nga tsínni nʼio tse kʼoa nga tokjoaʼatoni kʼianga kui ningósonkoaa je kjoanichikontʼain xi tsjoáná je Niná ya Sonʼnde chjotse. Kʼianga nikjaʼaitsjenjiaan je kjoanichikontʼain xi kjoaʼaíkao je Chjotaxále Niná basenkaoná nga tsjoa satío tokoán kʼoa nga tsín nixa̱nlee.