Jméni xi koa̱n sʼin xi jechixan nga nda koatiokao xínkjín

Je Abrahán kao Sara tsjoake koan xínkjín kʼoa tsakakóle kjoaxkóntokon xínkjín (Gé 12:11-13; 1Pe 3:6). Tonga nga kʼoati chjotajée koan, kjoa jaʼatojin sakʼoa. Jósʼin koasenkao xi jechixan je choa̱le Abrahán kao Sara.

Nʼio tjínle kjoandosin nga chja̱kaonajmío xíngio. Ngasin nganda tinókjoai tsa jtile kʼoa tsa tsín nda tso én kuinchja̱ je xʼinli kʼoa tsa chjoónli (Gé 16:5, 6). Chja̱kaonajmío xíngio. Takolao xíngio nga tsjoachao kao josʼin nokjoao kʼoa kao jmeni xi nʼiao. Tonga jmeni xi ngisa nʼio chjíle kuinga kuenta sʼiaon je Jeobá ngantsjai, ñatjen chótʼayao, tʼetsʼoao kʼoa ñatjen tixálao je Jeobá (Ec 4:12). Je xi nʼio tjío kjoabixanle jé Jeobá bʼasjejeya, nga̱ jé tsakʼénda je kjoabixan.

KʼIANGA JECHÓTSENLAI JE VIDEO JMÉ XI SʼIN XI JECHIXAN NGA NDA KOATIOKAO XÍNKJÍN, CHÓTʼAYAJIN KJOACHJONANGI JEBI:

• Jósʼin ʼyañá nga je Shaan kao Kiara kjimakjinle xínkjín.

• Ánni nʼio chjínile nga nda kjoakaonajmí xínkjín xi jechixan.

• Jósʼin tsakasenkao je Shaan kao Kiara je choa̱le Abrahán.

• Jméni xi kisʼin je Shaan kao Kiara nga nʼio kisʼejna je kjoabixanle.

• Ánni nga tsín kʼoasʼin katasíkjaʼaitsjenni xi jechixan nga tsín jme kjoa sʼe̱le.