Jméni xi ngisa nʼio chjí ʼbekoan

Nʼio chjíle je kjoanda xi kisʼele Jacob kʼianga jngo ánkje kisitajakao; je kjoanichikontʼainle Jeobá (Gé 32:24-31; Os 12:3, 4). Kʼoa ñá, a bʼenelee yaoná nga nitjosonlee je Jeobá. Tobʼelañá, jósʼiaan tsa kjoajtín tjínná, tonga tsa kʼoakʼuínná ya tʼaxáná nga si̱xásoan. Tsa kʼoailee je Jeobá nichxinná, nganʼioná kʼoa kao jmeni xi tjínná, je sichikontʼainná kʼoa alikui jme xi jchaná (Mal 3:10). Je koandiaaná, sikuindaná kʼoa tsjoáná jmeni xi machjénná (Mt 6:33; Heb 13:5).

KʼIANGA JECHÓTSENLAI JE VIDEO ALI NICHAJINJIN JOSʼIN JETJÍNNDAJINLI NGA SI̱XÁLAI NINÁ, CHÓTʼAYAJIN KJOACHJONANGI JEBI:

• 

  Jmé kjoa xi jaʼatojin jngo tichjaa.

• 

  Ánni kʼoabixónñá nga je xáná koa̱nle kʼoechjoaná nga kuichotjenngiaa jmeni xi mená.

• 

  Ningalani jetaja kisʼejna je kjoamakjainle Timoteo, ánni nga ndatjínni nga tosi tonda kui kisikjaʼaitsjen jmesani xi koa̱n sʼin (1Ti 4:16).

• 

  Jósʼin bakoñá jñánile je xá xi ngisa chjí ʼyatokoán.