Jósʼin koasenkaoná je ndsʼee xi jetjínle kjoafaʼaitsjen

Ya jtín jña tiyoaa tjío jin je ndsʼee xi jenkjín nó nga je Jeobá tjíosíxále. Jé Jeobá sínʼiotʼa kʼoa koa̱n chjénngiaa choa̱le. Koaan kʼoakʼuínlee nga katabʼéyanajmíná jókoan nichxin kjoatse ya jinnaxinandále Niná kʼoa je kjoa xi jaʼatojin. Koaan kʼoakʼuínlee nga kʼia katabʼéyanajmíná jebi kʼianga chotʼayajtían Énle Niná ya niʼyaná.

Tsa jekjoatse tijnajin naxinandále Niná tʼeyanajmílai je xi sʼa xti jmeni xi kinʼiai. Je Jacob kao José tsakʼéyanajmíle je ntje̱le josʼin tsakinyakao je Jeobá nichxin kjoatse (Gé 48:21, 22; 50:24, 25). Xijekoan, je Jeobá kʼoakitsole je xi xijchá ma nga katatsoyale je xtile xi tʼatsʼe (Dt 4:9, 10; Sl 78:4-7). Nichxin xi tiyoaa ndʼaibi, je xi xijchá ma kʼoa kao je ndsʼee kʼoati koa̱n kuitsoyale je xi sʼa xti josʼin tíbasenkao Jeobá je naxinandále.

KʼIANGA JECHÓTSENLAI JE VIDEO JTÍN TSAKATIO NINGA CHJOTA KITJENNGIKE, CHÓTʼAYAJIN KJOACHJONANGI JEBI:

• Jósʼin tsakasenkao Betel xi tíjna ya Austria je ndsʼee xi ya tjío ya naxinandá jñani tsín tjoʼndele nga ʼmiyason.

• Jméni xi kisʼin je ndsʼee nga nʼio kisatio je kjoamakjainle.

• Ánni nga kisikjin kʼanile je naxinandále Niná je ndsʼee xi ya tsʼe Rumania kʼoa jméni xi tsakinyakao nga kisichrian ijngokʼani.

• Jósʼin tsjoánganʼioli video jebi.