Chʼa̱sjengʼaa je Jeobá nga precursor sʼin si̱xá

Je chjota israelita kuinga kisenile je Jeobá nga tsakʼasje ya Egipto kʼoa nga tsakʼasjentjai ya ndáchikon Ní (Éx 15:1, 2). Nichxin xi tiyoaa ndʼaibi je Jeobá tojo tísíkuindaa je naxinandále. Jméni xi sʼiaan nga kʼoailee kjoanda (Sl 116:12).

Koaan tsa precursor auxiliar kʼoa tsa precursor regular sʼin si̱xá. Si̱jélee Jeobá nga katabasenkaoná nga kʼoakatasʼe tokoán kʼoa nga kʼoasʼiaan (Flp 2:13). Nkjín xi kui títjon bʼétsʼiakao nga precursor auxiliar ma. Kʼianga sá marzo kao abril, kʼoa tsa kʼiaje̱ nga bichósíxatʼa je jtín je superintendente xi tsʼe circuito, ma tsa 30 kʼoa tsa 50 hora nikʼasʼeen. Kʼianga jchaa nga nʼio tsjoa sʼe tokoán nga precursor auxiliar sʼin nixá, tsakui nichxin koa̱nmená nga precursor regular sʼin si̱xá. Tjínkʼa je ndsʼee xi síxá bʼajnda xomana kʼoa tsa je xi chʼin tjínle xi precursor regular sʼin tjíosíxá (mwb16.07 8). Je Jeobá bakinle nga chʼa̱sjengʼaa ninga ñʼai koa̱nná (1Cr 16:25).

KʼIANGA JECHÓTSENLAI JE VIDEO JAN XTIYÁNCHJÍN XI NDICHJA FÁO XI YA MONGOLIA TSʼE, CHÓTʼAYAJIN KJOACHJONANGI JEBI:

• 

  Jmé xi kisʼin nga jan tichjaa nga koan precursora sʼin kisixá.

• 

  Jmé kjoanichikontʼain xi tjíosokóle.

• 

  Kʼianga jeprecursora sʼin tjíosíxá, jmé kjoanda xi tsakʼaisale.

• 

  Jósʼin tsakinyakao xi kjaʼaí je choa̱le.