Tosi tonda si̱chjén je revista

Tjen nó 2018, tojngo tema yʼa nga jngó jngó revista xi bitjo xi je chjile chjota xi tsín testigole Jeobá ma. Je revista jebi kʼoati ya maxki̱kao je xo̱n xi nichjén nga ʼmiyaa, kʼoa koaan si̱chjén nga kʼuínyasoán. Koaan chʼaa tsa jñani mangían, jolani tsa tjín xi kjuinkindá, kʼoa tsa xin ʼnde kjuian. Revista jebi alikui xá bitjoni nga kao kui kʼuínyanilee Biblia je chjota, tonga koaan si̱chjén nga katamandosinle chjota jotjínni xi tʼatsʼe Niná.

Jngo textole Biblia tʼexkialai tsa jngo chjota chja̱kaonajmí, kʼoa kui chja̱kaoni jmeni xi nʼio tínchja̱ni jngo revista, tsakui nichxin koa̱nndosinle. Tobʼelañá, tsa familia tjínle, tsa ba tjín kon kʼoa tsa estrés tjínle, koaan i̱ kʼuínlai: “Jngo revista tsakʼexkia xi kui tínchja̱ni tʼatsʼe jebi. A koaan koakole”. Kʼiatsa koa̱nndosinle je chjota, jngo revista tʼailai kʼoa tsa maije̱ ya tjen celularle kʼoa tsa tabletale tikasénnilai. Koaan kʼoailai revista ninga tosʼa kachjakao títjuin. Ninga tsínkui xá nʼia nga revista fayolee chjota, tonga koaan kuinyakao nga koa̱nndosinle xi tʼatsʼe Niná (Hch 13:48).

2018

2019

2020