Jan koya josʼin bakoá nga ninʼiotʼaa je Jeobá

Je David kisikinjele Goliat nga̱ jé Jeobá kisinʼiotʼa (1Sa 17:45). Je Jeobá mele koasenkao ngatsʼi miyole (2Cr 16:9). Janla koya kataʼyaa josʼin koakoá nga je Jeobá ninʼiotʼaa kʼoa nga tsín to yaoná kjuinñá.

• Kjitʼa tʼetsʼoai. Tʼetsʼoalai Niná nga tijélai kjoanichatʼa tʼatsʼe jmeni xi kinʼiai ngasʼa, kʼoa tijélai nganʼio nga katabasenkaoli nga tsínkui xi chʼaotjín kʼoasʼiain (Mt 6:12, 13). Tʼetsʼoalai Jeobá nga katabasenkaoli nga ndasʼin kuichomani jmeni xi tsakʼendajin, kʼoa kʼoatʼinlai nga katabasenkaoli nga nda chjoéjin jmeni xi sʼiain (Snt 1:5).

• Ntsjaintsjai tʼexkiai kʼoa chótʼayai je Biblia. Nyaon nyaon tʼexkiai je Biblia (Sl 1:2). Tikjaʼaitsjenjin jme xi bakóyali jokisʼin chjota xi síkʼaxki̱ Biblia, kʼoa kʼoatʼiain jmeni xi koa̱njinli (Snt 1:23-25). Tongini chótʼayai jmeni xi sí nga kʼuínyasuin kʼoa ali tokuijin ʼmini je kjoafaʼaitsjen xi jetjínli. Kʼoa tongini chótʼayai jme xi faʼa ya kjoajtín ánni nga ngisa nda koa̱njinnili jmeni xi sakóya.

• Tʼainganʼiolai naxinandále Jeobá. Kuenta tʼiain jmeni xi tso naxinandále Niná kʼoa tʼintjenngi je kjoafaʼaitsjen xi tsjoá (Nú 9:17). Kʼoati tʼintjenngi je kjoafaʼaitsjen xi tsjoá xi chjotajchínga sʼin tjío (Heb 13:17).

KʼIANGA JECHÓTSENLAI JE VIDEO ALI NOKJONJION KʼIANGA CHJOTA KOAITJENNGIKENO, CHÓTʼAYAJIN KJOACHJONANGI JEBI:

• Jméni xi kitsokjonle je ndsʼee xi bakó video.

• Jmé xi tsakinyakao nga tsín tikitsokjonni.