Alikui tongantsjai nga kjoa kuitjátojiaan

Nroajen tokoán nga kjoa bitjatojiaan, ngisaa tsa tsín ndi̱to̱n tjoxin. Je David be nga tsín tongantsjai nga kjoa sʼe̱le kao Saúl kʼoa nga je xi rey koa̱n nga jekoa̱nni, tojo kitsole Jeobá (1Sa 16:13). Nga kisʼele kjoamakjain je David, tsejta koan kʼoa kiskoya nga je Jeobá koasenkao.

Kʼianga kjoa bitjatojiaan, koaan chósonnilee josʼiaan kʼoa nda si̱kjaʼaitsjeen jméni xi koa̱n sʼiaan nga sʼe̱ndajin je kjoa (1Sa 21:12-14; Pr 1:4). Tjínkʼa kjoa xi tsín tjoxin ninga bʼenelee yaoná nga bʼendajiaan tojo tso je Énle Niná. Nga tsín ndi̱to̱n sʼendajin kjoa xi tjínná, machjén nga tsejta koaan kʼoa nga chóyaa nga je Jeobá kʼoéndajin. Jemachrianle nga kʼoendajin ngayeje kjoa xi kjoañʼai síkjaʼáná kʼoa tsín tiʼya xi skíʼndáni nga kʼia (Ap 21:4). Sakʼoa tjoxin je kjoa xi bitjatojiaan kʼoa sakʼoa je Jeobá basenkaoná, tonga xi ʼyaa kuinga tsín tongantsjai nga kjoa kuitjátojiaan. Tsjoánganʼioná nga ʼyaa jebi.

KʼIANGA JECHÓTSENLAI JE VIDEO CHJOTA XI JTÍN TJÍO NINGA XKOA̱YA TJÍO CHJOTA, CHÓTʼAYAJIN KJOACHJONANGI JEBI:

• Jmé kjoa xi jaʼatojin je ndsʼee xi ya Estados Unidos tsʼe.

• Jósʼin tsakakó kjoatsjoacha kao kjoatsejta.

• Jmé xi ngisa kitsjoale kjoandosin je ndsʼee (Flp 1:10).