Alikuijin síkinjeli jme xi nimetokuin

Nga chjotajée maa, tongantsjai nga kui bixkantʼakoaa jmeni xi nimetokoán. Tsa tokʼoaiʼndelee yaoná jmeni xi nimetokoán, alikuijin tinda kuiyoñá ngixko̱n Jeobá. Tjínkʼa xi kui ngisa símekon nga sʼe̱le ndʼia, tsojmi xi ski̱ne kʼoa tsa najño tikʼoajinni xi tʼatsʼe Niná. Tjínkʼa xi faʼatone kjoatéxomale Jeobá nga síñakon yaole kʼianga kjoajndí símekon (Ro 1:26, 27). Kʼoa tjínkʼa xi kʼoati sʼín josʼín xi ngikʼa tojoni nga ndasʼin koaikao kʼoa nga tsín chʼao kuitsole (Éx 23:2).

Jókoa̱n sʼiaan nga tsínkui sikinjená jmeni xi nimetokoán. Machjén nga kui ngisa kʼoailee kjoandosin xi tʼatsʼe Niná (Mt 4:4). Kʼoati koa̱n kʼoétsʼoalee je Jeobá nga katabasenkaoná nga tsínkui sikinjená jmeni xi nimetokoán. Nga̱ ngisaa nda be je Jeobá jmeni xi ndasʼin sikatíoná kʼoa tsjoáná jmeni xi ndatjín nimetokoán (Sl 145:16).

KʼIANGA JECHÓTSENLAI JE VIDEO SIKIʼAONLI TSA NA̱JNO̱ CHJÁIN, CHÓTʼAYAJIN KJOACHJONANGI JEBI:

• 

  Ánni nga na̱jno̱ kjen kʼani je chjota.

• 

  Jméni xi koa̱nná tsa na̱jno̱ chjén.

• 

  Ánni chʼaotjínni nga na̱jno̱ chjeen kʼoa tsa to niʼndi̱le chónjeen (2Co 7:1).

• 

  Jókoa̱n sʼiain nga tsín na̱jno̱ si̱metokuin, kʼoa tsa jekui chjain, jmé xi koasenkaoli nga si̱kʼéjnai.