JONʼIA XI CHJOTALE CRISTO MAA

Kuisenkoaa je chjota xi tsín religión sísin nga katabe xi tʼatsʼe Niná

A sakʼoa kʼoasʼin nikjaʼaitsjain nga tsín kjuinrʼoéli kʼiatsa Énle Niná kʼuínyalai je chjota xi tsín religión sísin. Tsa kʼoasʼin nikjaʼaitsjain, kuenta tʼiain nga nʼio nkjín xi testigole Jeobá ma ndʼaibi xi tsín mandosinle tʼatsʼe religión tsakai kʼoa xi tsín makjainle nga tíjna Niná. Je xi tsakinyakao kuinga tsakʼinyale je choa̱ xi bakó nga ñaki tíjna je Niná (Ro 1:20; 10:14).

KʼIANGA JECHÓTSENLAI JE VIDEO JE XI TSÍNLE KJOAMAKJAIN KOAAN KOA̱NKJAINLE: CHJOTA XI TSÍN SÍSIN TʼATSʼE RELIGIÓN, CHÓTʼAYAJIN KJOACHJONANGI JEBI:

Jósʼin koasenkaoli choa̱le Tommaso nga kʼuínyalai je xi tsín religión sísin.

Tʼeyanajmí

Jokoa̱n sʼiain

Tsa jngo chjota sa̱téjin xi tsín makjainle tʼatsʼe Niná ngasin nganda chja̱koai kʼoa nda tinóʼyalai ánni nga jchani josʼin síkjaʼaitsjen kʼoa jotjín kon (2Ti 2:24). Kui chja̱kaoni jmeni xi mandosinle. Tsa mele skoe̱ jmeni xi tsakinyakao xi kjaʼaí nga koankjainle xi tʼatsʼe Niná, kui takolai je xo̱n kao video xi kui tínchja̱ni. Jolani je folleto ¿Es la vida obra de un Creador? Kao El origen de la vida. Cinco cuestiones dignas de análisis. Folleto jebi yaa tjíojinle je xo̱n kao video xi nichjén nga ʼmiyaa ánni nga ngotjo koa̱nsjainili.

Tsa tsín tso tokuin nga chjakaonajmí jngo chjota xi tsín makjainle tʼatsʼe Niná, kʼoatʼinlai jngo publicador xi jetjínle kjoafaʼaitsjen nga katabasenkaoli. Kuenta tʼiain nga je Jeobá koaanle koasenkaoli nga kuichokajin ni̱ma̱le je chjota je Énle Niná ningalani likui makjainle xi tʼatsʼe ndʼaibi (Hch 13:48).