JONʼIA XI CHJOTALE CRISTO MAA
Xi xijchá mao, kʼoati koa̱n chjine koa̱n je ʼndíxtino
Jngo koya xi koasenkao je ʼndíxtino nga chjine koa̱n kʼiaa nga nda kuinyaño jmeni xi faʼa nga satíoná kjoajtín. Kʼianga kotsenle jmeni xi faʼa, nga nda nrʼoé kʼoa nga tsjoá comentariole kui xi kuinyakao nga ngisasa tse koa̱nle xi tʼatsʼe Jeobá kʼoa nga miyole koa̱n (Dt 31:12, 13). Jméni xi koa̱n sʼiain nga koasenkao je ʼndíxtili jmeni xi faʼa nga satío kjoajtín.
Tʼenelai yaoli nga tʼin ya Ndʼia jña chotʼayá nga satío kjoajtín (Sl 22:22).
Katafákaonajmí ʼndíxtili je ndsʼee nga tongini kʼoa tsa kʼia nga jefetʼa kjoajtín (Heb 10:25).
Tsen tsen chʼao je xo̱n xi nichjén nga satíoná kjoajtín.
Tisenkoai je ʼndíxtili nga katabatíonda comentariole (Mt 21:15, 16).
Nda tinókjoani tʼatsʼe kjoajtínná kao jme xi sakóyaná.
Tisenkoai je ʼndíxtili nga katatsjoánganʼio jme xá xi sʼe, jolani nga matsje Ndʼia jña chotʼayá kʼoa nga kjoakaonajmí je ndsʼee xi jetjínle nó.
Tsakui nichxin sakʼoa nʼio nikjáojin nga tse xá tjenkao nga binyakoaa je ʼndíxtiná nga machriantʼale Jeobá, tonga kuenta tʼiain nga je koasenkaoli (Is 40:29).
KʼIANGA JECHÓTSENLAI JE VIDEO JON XI XIJCHÁ MAO JÉ JEOBÁ KOASENKAONO, CHÓTʼAYAJIN KJOACHJONANGI JEBI:
Jméni xi ñʼai koanle je Miguel kao Lidia.
Ánni machjénni nga je Jeobá katasíjéle nganʼio xi xijchá ma.
Jméni xi kisʼin Miguel kao Lidia nga je Jeobá kisinʼiotʼa.