19-25 SÁ FEBRERO

SALMOS 8-10

Kjoajnda 2 kao kjoabʼetsʼoa | Én xi sʼe̱tsʼiakaoni (1 min.)

ÉN XI NʼIO CHJÍLE XI NYA BIBLIA

1. “Kʼoasjengʼale Jeobá”

(10 min.)

Je Jeobá nʼio nda chjota (Sl 8:3-6; w21.08 3 párr. 6).

Chʼasjengʼañá Jeobá kʼianga ʼmiyalee chjota jmeni xi kisinda (Sl 9:1; w20.05 23 párr. 10).

Kʼoati chʼasjengʼaa nga kao kjoatsjoa jndalee (Sl 9:2; w22.04 7 párr. 13).

Sén xi bakó: Josʼin koa̱n chʼa̱sjengʼaa Jeobá. 1. Jngo tichjaa xi jejchínga tsoyale Énle Niná je xi síkuinda. 2. Je ndsʼee tjíosee ya Ndʼia jña chotʼayá. 3. Jngo ti xi tímjénngʼa ntsja nga tsjoá comentariole. 4. Jngo ti xi tísítsje ya Ndʼia jña chotʼayá. 5. Jngo tichjaa xi Énle Niná títsoyale je tsoti xi ñatjen fi skuela.

TIKJAʼAITSJENJIN JEBI: “Jósasʼin koa̱n kʼoasjengʼa je Jeobá”.

2. Kjoásjaiyaa én xi nʼio chjíle xi nya Biblia

(10 min.)

Sl 8:3. Jmé xi koanjinle je David kʼianga kisikjaʼaitsjenjin jmeni xi kisinda Niná (w23.03 18 párr. 14).

Tʼeyanajmí
Jméni xi koansjaino jña koanxkia Biblia xomana jebi.

Tʼeyanajmí

3. Jña koa̱nxkia Biblia

(4 min.) Sl 10:1-18 (th kjoaʼmiya 11)

NDA KOAKOYAA ÉNLE NINÁ

4. Katamali josʼin chja̱kaonajmí chjota

(3 min.) NGA XKI̱ NDʼIA ʼMIYASOÁN. Kʼoatso je chjota nga tsín makjainle xi tʼatsʼe Niná (lmd kjoaʼmiya 5 punto 4).

5. Tʼinchón ngindialai

(4 min.) TOJÑANI TITSOMAA. Nga títjon kʼoakitso je chjota nga tsín makjainle xi tʼatsʼe Niná, tonga mele skoe̱ je choa̱ xi bakó nga tíjna Niná (th kjoaʼmiya 7).

6. Kjoanokjoaya

(5 min.) w21.06 6, 7 párr. 15-18. Xi kuinchja̱ni: Kuisenkoaa je xi tiʼmiyalee Biblia nga je Jeobá katabʼasjengʼa (th kjoaʼmiya 10).

JONʼIA XI CHJOTALE CRISTO MAA

Kjoajnda 10

7. Jósʼin chja̱kaonajmíñá Énle Niná je chjota nga to satéjiaan

(10 min.) Kao je jtín chótʼayajin.

Ijngosa koya josʼin nga chʼasjengʼaa je Jeobá kʼianí nga ʼmiyalee chjota xi satéjiaan xi tʼatsʼe (Sl 35:28). Tsakui nichxin tsín kuitso tokoán nga Énle Niná chja̱kaoñá je chjota xi satéjiaan. Tonga tsa kʼoasʼin chja̱koaa chjota josʼin chjakoaa ngantsjai ngisajin jchaa jokʼuínlee nga chja̱kaoñá Énle Niná.

Sén xi bakó ya video “Tijnandai nga tʼinyasuin énnda xi tsjoá xi nyʼán tjín: Tjasjailai josʼin chja̱kaonajmí chjota”. Ya jngo restaurante, jngo tichjaa xi fákaonajmí je chjoón xi tiya chrian tíjnani.

Takui je VIDEO Tijnandai nga tʼinyasuin “énnda xi tsjoá xi nyʼán tjín”: Tjasjailai josʼin chja̱kaonajmí chjota. Xijekoa̱n, chjónangi jebi:

Jmé kjoafaʼaitsjen xi tsjoáná video jebi josʼin chja̱kaonajmiá je chjota xi tsaojiaan.

Tʼeyanajmí

Kjoafaʼaitsjen jebi koasenkaoná josʼin chja̱kaonajmiá chjota

Tsa totsejinni ʼya xi tsaojiaan jñani mangián tongini kuiyondaa jokʼuínlee. Kʼoakʼuínlee je Jeobá nga katabasenkaoná nga katatsaojiaan je chjota xi mele kjuinrʼoé Énle.
Nda si̱koaa je chjota xi tsaojiaan. Ya chjoénilee jmeni xi tso je chjota kʼianga chja̱kaonajmíñá je Énle Niná.
Tsa koa̱nndosinle je chjota koaan kʼoailee je númerole teléfononá kʼoa tsa maije̱ si̱jélee xi tsʼe.
Alikui si̱kinroajeen tokoán tsa tsín ndi̱to̱n kaʼmiyalee Énle Niná je chjota xi kachjakaonajmiá.
Kuenta sʼiaan je chjota xi kichjakaonajmiá, koaan si̱kasénlee jngo enlace xi tsʼe textole Biblia kʼoa tsakuije̱ xi faʼaitʼa ya jw.org.

I̱ TʼIAIN: Tsa totsejinni ʼya xi kjonangili jméni xi nʼiai nga tífe xomana, kʼoatʼinlai jmeni xi koanjinli nga kʼin kjoajtín kʼoa tsa maije̱ kʼoatʼinlai nga Énle Niná ʼmiyasuin.