15-21 SÁ JULIO

SALMOS 63-65

Kjoajnda 108 kao kjoabʼetsʼoa | Én xi sʼe̱tsʼiakaoni (1 min.)

ÉN XI NʼIO CHJÍLE XI NYA BIBLIA

1. “Je kjoatsjoachali ngisaa nda tikʼoajinni je kjoabijnachon”

(10 min.)

Nga nda tiyoaa ngixko̱n Niná ngisaa chjíle tikʼoajinni nga tiyochoán (Sl 63:3; w01-S 15/10 15, 16 párr. 17, 18).

Ngisaa tsjoacha maa Jeobá kʼianga nikjaʼaitsjenjiaan josʼin bakó nga tsjoakená (Sl 63:6; w19.12 28 párr. 4; w15 1/10 28 párr. 7).

Tsa chjí ʼyaa nga tsjoakená Jeobá kaojin kjoatsjoa chʼa̱sjengʼaa (Sl 63:4, 5; w09-S 15/7 16 párr. 6).

Sén xi faʼaitʼa: Jngo tichjaa xi Biblia tíbʼéxkia. 1. Tsjoa tjín kon nga tjíotsoyason kao ijngo tichjaa. 2. Títsjoá comentariole ya jinjtín.

JMENI XI KOA̱N SʼIAAN NGA CHOTʼAYAJTÍAN ÉNLE NINÁ YA NIʼYANÁ: Kui cho̱banajmíño josʼin tíbakóno Jeobá nga tsjoakeno.

2. Kjoásjaiyaa én xi nʼio chjíle xi nya Biblia

(10 min.)

Sl 64:3. Jósʼin basenkaoná texto jebi nga chosonnilee jobixoán kʼianga chobanajmiá (w15 1/12 20 párr. 10).

A koaan kʼoasí
Jméni xi koansjaino jña koanxkia Biblia xomana jebi.

A koaan kʼoasí

3. Jña koa̱nxkia Biblia

(4 min.) Sl 63:1–64:10 (th kjoaʼmiya 12)

NDA KOAKOYAA ÉNLE NINÁ

4. Katamali josʼin chja̱kaonajmí chjota

(2 min.) NGA XKI̱ NDʼIA ʼMIYASOÁN. Kʼianga kjaʼaí én nchja̱ je chjota (lmd kjoaʼmiya 3 punto 4).

5. Katamali josʼin chja̱kaonajmí chjota

(2 min.) TOJÑANI TITSOMAA. Kʼia tikjetʼai én nga kjesa chjakaonajmíjinni chjota xi tʼatsʼe Biblia (lmd kjoaʼmiya 2 punto 4).

6. Katamali josʼin chja̱kaonajmí chjota

(3 min.) JÑANI NKJÍN CHJOTA TJÍN. Kuenta tʼiain jméni xi mandosinle je chjota, kʼoa kʼoatʼinlai tsa koa̱n cho̱banajmío xi ngindiaa (lmd kjoaʼmiya 1 punto 5).

7. Tʼeyanajmí josʼin makjainli

(4 min.) Xi faʼachoya. ijwfq 51. Xi kuinchja̱ni: Ánni nga tosi tonda bitjatosínilee je chjota xi kʼoatso nga tsín mandosinle je Énle Niná (lmd kjoaʼmiya 4 punto 3).

JONʼIA XI CHJOTALE CRISTO MAA

Kjoajnda 154

8. Jósʼin koakole Niná nga tsjoake̱

(15 min.) Kao je jtín chótʼayajin.

Je Biblia kʼoatso nga tsjoakená Jeobá (Sl 86:15). Kʼianga bakóle kjoatsjoacha xínkjín chjota alikuikʼia tsjionkon xínkjín, kixi fitʼale ngantsjai kʼoa kui kjoatsjoacha jebi xi bakó Niná. Ningalani tsjoake Jeobá ngatsʼi chjota, tonga ngisaa tsjoake je xi miyole mani (Sl 33:18; 63:3; Jn 3:16; Hch 14:17). Kʼiatsa ʼyachjiá josʼin bakóná Jeobá nga tsjoakená kuijin kʼoasʼiaan jmeni xi sasénle kʼoa kʼoasʼin koakoñá nga tsjoachaa kʼianga chjotale Cristo si̱koaa je chjota (Mt 28:19; 1Jn 5:3).

Takui je VIDEO Koakoá kjoatsjoacha kʼianga ʼmiyasoán. Xijekoa̱n, chjónangi jebi:

Jósʼin bakoá kjoatsjoacha nga ʼmiyasoán.