18-24 SÁ NOVIEMBRE
SALMOS 107, 108
Kjoajnda 7 kao kjoabʼetsʼoa | Én xi sʼe̱tsʼiakaoni (1 min.)
1. Kʼoailee kjoanda je Jeobá nga̱ nda chjota
(10 min.)
Je Jeobá kisikatíondái je chjota israelita xi tsakationʼio ya Babilonia, kʼoatisʼin ndái tísíkatíoná tʼatsʼe jme xi chonle sonʼnde je Na̱i (Sl 107:1, 2; Col 1:13, 14).
Bʼailee kjoanda je Jeobá kʼoa chʼasjengʼañá ya jinjtín (Sl 107:31, 32; w07-S 15/4 20 párr. 2).
Kʼianga kʼoailee kjoanda je Jeobá tjínnele si̱kjaʼaitsjenjiaan josʼin tíbakó nga tsjoakená (Sl 107:43; w15 1/1 8 párr. 4).
2. Kjoásjaiyaa én xi nʼio chjíle xi nya Biblia
(10 min.)
Sl 108:9. Kʼiáni kitjoson je én jebi (it-2-S 409 párr. 6).
Jméni xi koansjaino jña koanxkia Biblia xomana jebi.
3. Jña koa̱nxkia Biblia
(4 min.) Sl 107:1-28 (th kjoaʼmiya 5)
4. Katamali josʼin chja̱kaonajmí chjota
(3 min.) TOJÑANI TITSOMAA. (lmd kjoaʼmiya 1 punto 4).
5. Tʼinchón ngindialai
(4 min.) TOJÑANI TITSOMAA. Kʼoatʼinlai chjota josʼin ʼmiyaa Biblia kʼoa jngo tarjeta de contacto xi tsʼe josʼin ʼmiyaa Biblia tʼailai (lmd kjoaʼmiya 9 punto 3).
6. Kjoanokjoaya
(5 min.) ijwyp-S 90. Xi kuinchja̱ni: Jméni xi sʼian nga sakʼoa tsín nda sʼe tokoan (th kjoaʼmiya 14).
Kjoajnda 46
7. Bʼailee kjoanda je Jeobá kʼianga jndalee
(15 min.) Kao je jtín chótʼayajin.
Je chjota israelita nʼio kitsokjon kʼianga tsabe nga je chjota egipcio tjenngile tonga jé Jeobá tsakʼasjentjai ya ndáchikon Ní. Nʼio tsjoa kisatio kon kʼoa kise nga kitsjoale kjoanda je Jeobá (Éx 15:1-19). Jé chjotaxʼin tsakʼétsʼiakao nga kise (Éx 15:21). Je Jesús kao chjotale xi títjon tsakatio kʼoati kise nga tsakʼasjengʼa Jeobá (Mt 26:30; Col 3:16). Kʼoa nichxin xi tiyoaa ndʼaibi kʼoati jndalee Jeobá nga bʼailee kjoanda kʼianga satíoná kjoajtín kao kjoajtíntse. Tobʼelañá, je kjoajnda xi sʼa kjoan kijndaa xi “Bʼailaijin kjoanda Jeobá” ʼmi kʼiaa saʼnda tjen nó 1966 jndañá ya jinjtín.
Tjín ʼnde jñani soa male je xi xʼin nga se kʼoa tjínkʼa xi tsín tso kon nga se nga̱ kʼoasʼin síkjaʼaitsjen nga tsín nda tso jta̱le. Kuenta sʼiaan nga je Jeobá ʼyaxkoán kʼianga jndaa. Jé naxinandále Jeobá batíonda je kjoajnda xi jndaa kʼoa jé faʼájin je kjoanda xi jndaa nga satíoná je kjoajtín. Kʼoa ñá jndañá nga bʼailee kjoanda je Jeobá kʼoa nga kʼoanʼia kʼoasʼin bakonilee nga tsjoachaa.
Takui je VIDEO Jokoan ngasʼa kʼoa jokjima ndʼai: Kjoajnda xi bʼasjengʼa Jeobá (xi majaoni). Xijekoa̱n, chjónangi jebi:
Jméni xi koan nga nó 1944.
Jókisʼin je ndsʼee xi Siberia tsʼe nga chjí tsabe nga jndalee Jeobá.
Ánni nga chjí ʼyañá xi testigole Jeobá maa nga jndalee je Niná.
8. Nga chotʼaya Biblia
(30 min.) bt kjoaʼmiya 18 párr. 6-15