28 SÁ JULIO–3 SÁ AGOSTO

PROVERBIOS 24

Kjoajnda 38 kao kjoabʼetsʼoa | Én xi sʼe̱tsʼiakaoni (1 min.)

ÉN XI NʼIO CHJÍLE XI NYA BIBLIA

1. Tosi tonda si̱chriantʼalee Niná kʼianga kjoa bitjatojiaan

(10 min.)

Tosi tonda chótʼayai Biblia ánni nga chjine koa̱nsíni (Pr 24:5; w23.07 18 párr. 15).

Kʼiatsa jetínroajen tokuin ntsjaintsjai tʼetsʼoai, nyaon nyaon tʼexkiai Biblia kʼoa tʼin kjoajtín (Pr 24:10; w24.01 23 párr. 9).

Chókjoajinli je kjoa xi kuitjátojin tsa nʼio tíjna kjoamakjainli (Pr 24:16; w20.12 15 párr. 1, 7).

Jngo tichjaa xi táo chʼin tjínle tsjoa tjín kon nga tjíotsoyason kao ijngo tichjaa. Tableta tísíchjén nga tíbakóyale je chjoón xi tífákaonajmí.

2. Kjoásjaiyaa én xi nʼio chjíle xi nya Biblia

(10 min.)

Pr 24:27. Jméni xi bakóyaná texto jebi (w09-S 15/10 12 párr. 5-7).

A koaan kʼoasí
Jméni xi koansjaino jña koanxkia Biblia xomana jebi.

A koaan kʼoasí

3. Jña koa̱nxkia Biblia

(4 min.) Pr 24:1-20 (th kjoaʼmiya 11)

NDA KOAKOYAA ÉNLE NINÁ

4. Katamali josʼin chja̱kaonajmí chjota

(2 min.) TOJÑANI TITSOMAA. Kʼia tikjetʼai én nga kjesa chjakaonajmíjinni chjota xi tʼatsʼe Biblia (lmd kjoaʼmiya 2 punto 4).

5. Katamali josʼin chja̱kaonajmí chjota

(3 min.) NGA XKI̱ NDʼIA ʼMIYASOÁN. (lmd kjoaʼmiya 3 punto 4).

6. Katamali josʼin chja̱kaonajmí chjota

(3 min.) JÑANI NKJÍN CHJOTA TJÍN. Kʼoatʼinlai chjota josʼin ʼmiyaa Biblia kʼoa jngo tarjeta de contacto xi tsʼe josʼin ʼmiyaa Biblia tʼailai (lmd kjoaʼmiya 4 punto 3).

7. Kjoanokjoaya

(3 min.) lmd apéndice A punto 11. Xi kuinchja̱ni: Je Niná tsakájnaná je Énle (th kjoaʼmiya 6).

JONʼIA XI CHJOTALE CRISTO MAA

Kjoajnda 99

8. Kuinyakaongañá xíngiaa kʼianga ñʼai machon

(15 min.) Kao je jtín chótʼayajin.

Toʼima nga chʼinʼbi sʼe, nga kjoaxkón sʼe, nga kjoasi sʼe, nga kjoajchán sʼe kʼoa tsa chjota koaitjenngikenáje̱. Je ndsʼee xi kui kjoa faʼatojin binyakaongañá xínkjín kʼoa sínʼiojinngañá xínkjín. Ningalani tsín i̱ ʼndená jñani kʼoakjima koaan kuinyakoaa je ndsʼee xi kui kjoa faʼatojin (1Co 12:25, 26).

Sén xi bakó je ndsʼee kao tichjaa nga tjíobinyakao xi kjaʼaí ndsʼee. 1. Je ndsʼee tjíobʼéndaya jngo Ndʼia jña chotʼayá xi kixoya nga kjoaxkón kicho. 2. Je ndsʼee tjíokjoéya jngo tichjaa kao tsotiʼndíle xi xin naxinandá faʼaini. 3. Jngo tichjaa xi tao̱n tíbʼéjnaya ya kaxa̱ xi tjío ya Ndʼia jña chotʼayá. 4. Je ndsʼee kao tichjaa tjíotsjoále tsojmi xi machjénle je ndsʼee xi xin naxinandá faʼaini. 5. Nandá tjíosíkʼabí je ndsʼee. 6. Jngo ndsʼee xi tíbʼétsʼoa.

Tʼexkiai 1 Reyes 13:6 kao Santiago 5:16b. Xijekoa̱n, chjónangi jebi:

Ánni nga binyakaoni je ndsʼee nga bʼetsʼoantjé.

A koaan kʼoasí

Tʼexkiai Marcos 12:42-44 kao 2 Corintios 8:1-4. Xijekoa̱n, chjónangi jebi:

Ninga tsín tse tao̱n tjínná xi batioá nga bʼainganʼioá nga fison je xále Niná jngo tjíjtsa Sonʼnde, ánni machjénni nga tosi tonda koatioá tao̱n.

A koaan kʼoasí

Takui je VIDEO Kisinʼiojin je ndsʼee kʼianga chjota kitjenngike. Xijekoa̱n, chjónangi jebi:

Jméni xi kisʼin je ndsʼee kʼianga tsakinyakao xínkjín jñani kisʼechjoale xále Niná.

A koaan kʼoasí
Kʼianga kisʼechjoale je xále Niná, jósʼin kisitjoson je ndsʼee nga kʼoatso je Énle Niná nga tjínnele kuiyojtián kʼoa nga si̱nʼiojinngañá xíngiaa (Heb 10:24, 25).

A koaan kʼoasí

9. Nga chotʼaya Biblia

(30 min.) lfb kjoaʼmiya 4, 5