20-26 SÁ OCTUBRE
ECLESIASTÉS 9, 10
Kjoajnda 30 kao kjoabʼetsʼoa | Én xi sʼe̱tsʼiakaoni (1 min.)
1. Chósonnilee josʼin jchatokoán je kjoa xi sʼená
(10 min.)
Kʼianga kjoa sʼená alikui xi tsonile tsa tsín titsjoa tjínni kon Jeobá xi tʼatsaan (Ec 9:11; w13 1/8 17 párr. 20, 21).
Toxá kjoa sʼe̱niná nga je Na̱i kjinentsja jme xi chon sonʼnde (Ec 10:7; w19.09 4 párr. 10).
Si̱kʼayaa nichxin nga kʼoétsaojiaan kʼoa tsín tokui kjuinñá je kjoa xi bitjatojiaan (Ec 9:7, 10; w11-S 15/10 8 párr. 1, 2).
2. Kjoásjaiyaa én xi nʼio chjíle xi nya Biblia
(10 min.)
Ec 10:12-14. Jméni xi bakóyaná texto jebi josʼin tíjna nga énndiso nokjoaa (it-S “Chisme, calumnia” párr. 4, 8).
Jméni xi koansjaino jña koanxkia Biblia xomana jebi.
3. Jña koa̱nxkia Biblia
(4 min.) Ec 10:1-20 (th kjoaʼmiya 11)
4. Katamali josʼin chja̱kaonajmí chjota
(3 min.) JÑANI NKJÍN CHJOTA TJÍN. Chja̱kaonajmí je chjota xi ba tjín kon (lmd kjoaʼmiya 3 punto 4).
5. Katamali josʼin chja̱kaonajmí chjota
(4 min.) TOJÑANI TITSOMAA. Kʼianga chja̱kaonajmí je chjota xi kui makjáojinle nga tsín timasonniná tao̱n, kui tichjain je folleto ʼMiyalee chjota ya apéndice A, jñani tso “Xi ngisa tsjoachaa nga ʼmiyaa” (lmd kjoaʼmiya 4 punto 4).
6. Tʼinyalai
(5 min.) lff kjoaʼmiya 17 “Xi kachotʼayá”, “Jmé xi kamajinli” kao “Kʼoatʼiain jebi” (lmd kjoaʼmiya 12 punto 3).
Kjoajnda 47
7. Jé Jeobá basenkaoná kʼianga kjoa bitjatojiaan
(15 min.) Kao je jtín chótʼayajin.
Tsee kjoa bitjatojiaan nga nyaon nyaon, kʼoa sakʼoa kui kjoa bitjatojiaan xi tsín ʼyaa josʼin kʼoéndajiaan kʼoa tsín ʼyaa tsa chókjoajinná. Jméni xi sʼiaan tsa kʼoakjimaa.
Tojé Jeobá xi koa̱nle koasenkaoná kʼianga kjoa bitjatojiaan (Is 33:6). Kuinga machjénni nga si̱nkjínlee tokoán josʼiaan kʼoa je Jeobá si̱nʼiotʼaa (Pr 11:2). Kʼiatsa jme kjoaxkón ska̱jiaan alikui koa̱n nga xitso xiská kʼoasʼiaan tsa jmeni. Tosa títjonkjoanla nda si̱kjaʼaitsjenjiaan jósʼin si̱kuindaa yaoná kʼoa jósʼin si̱kuindaa je xíngiaa kʼiatsa kjoaba tiyojiaan (Ec 4:6).
Jé ndsʼee síchjén Jeobá nga basenkaoná. Kuinga ndatjínni nga kʼoaiʼndelee je ndsʼee nga katabinyakaoná kʼoa kʼoakʼuínlee tsa jme nganʼio xi machjénná. Kuenta sʼiaan nga tsjoakená je ndsʼee kʼoa nga tsjoa satío kon nga binyakaoná.
Tʼexkiai 2 Corintios 4:7-9. Xijekoa̱n, chjónangi jebi:
Ánni machjénni nga tosi tonda je Niná si̱xánilee ninga sakʼoa ñʼai maná.
Takui je VIDEO Gary kao Beth Septer: “Je Jeobá chrian tíjnale je xi nʼio aon tjío ni̱ma̱le”. Xijekoa̱n, chjónangi jebi:
Jósʼin tsakasenkao Jeobá je ndsʼee Gary kao Beth.
Jósʼin tsakinyakao je ndsʼee.
Jmésani xi bakóyaná je choa̱le ndsʼee jebi.
8. Nga chotʼaya Biblia
(30 min.) lfb kjoaʼmiya 28, én xi fitsʼiani sección 6 kao kjoaʼmiya 29