22-28 SÁ DICIEMBRE
ISAÍAS 11-13
Kjoajnda 14 kao kjoabʼetsʼoa | Én xi sʼe̱tsʼiakaoni (1 min.)
1. Jótso Biblia xi tʼatsʼe Mesías
(10 min.)
Yaa kjuinroani ntje̱le David, je tile Jesé (Is 11:1; ip-1-S 159 párr. 4, 5).
Sʼeele nganʼiole Jeobá kʼoa jé tsokjonke (Is 11:2, 3a; ip-1-S 159 párr. 6; 160 párr. 8).
Nga juez sʼin tíjna Jesús kixi josʼin kʼoendajin je kjoa kʼoa koako kjoamatokon (Is 11:3b-5; ip-1-S 160 párr. 9; 161 párr. 11).
TIKJAʼAITSJENJIN JEBI: Ánni nga ngisa ndasʼin koatexomani Jesús tikʼoajinni josʼín je chjotaxá sonʼnde.
2. Kjoásjaiyaa én xi nʼio chjíle xi nya Biblia
(10 min.)
Is 11:9, 10. Tojo tso texto jebi, jósʼin sʼe̱ndajin nga sa̱kóyale Énle Niná chjota (w22.09 20 párr. 2).
Jméni xi koansjaino jña koanxkia Biblia xomana jebi.
3. Jña koa̱nxkia Biblia
(4 min.) Is 11:1-12 (th kjoaʼmiya 11)
4. Katamali josʼin chja̱kaonajmí chjota
(3 min.) NGA XKI̱ NDʼIA ʼMIYASOÁN. (lmd kjoaʼmiya 2 punto 5).
5. Tʼinchón ngindialai
(4 min.) JÑANI NKJÍN CHJOTA TJÍN. Kui página xi tsʼe jw.org tichjain nga tʼinyalai chjota jmeni xi kiskonangi (lmd kjoaʼmiya 8 punto 3).
6. Tʼinyalai
(5 min.) Tisenkoai xi Biblia ʼmiyalai nga koa̱nle kuitsoyason nga xki̱ ndʼia xki̱ ndʼia kʼoa ñatjen tʼinyasuin (lmd kjoaʼmiya 11 punto 4).
Kjoajnda 57
7. Alikui tokui kjuinñá josʼin matsen je chjota
(15 min.) Kao je jtín chótʼayajin.
Kjaʼaí kjaʼaísʼin nikjaʼaitsjeen tʼatsʼe chjota xi kajiaan nga nyaon nyaon, kʼoa tokui mangínñá jmeni xi ʼyaa. Je Jesús nʼio nda choa̱ tsakʼéjnaná josʼin kisikjaʼaitsjen xi tʼatsʼe chjota (Is 11:3, 4). Je Jesús be jotjío ni̱ma̱ná nga jngó jngoá, be josʼin nikjaʼaitsjeen kʼoa ánni nga kʼoasʼin nikjaʼaitsjensíñá. Ninga tsín ʼyaa jotjío kon xíngiaa, koaan kʼoasʼiaan jokisʼin Jesús. I kitso: “Alikui kʼoasʼin chósonnilao jñalebe josʼin nga matsen, tonga kʼoasʼin chósonlanandalao jñale xi tjínle kjoakixi” (Jn 7:24).
Kʼiatsa tokui kjuinñá josʼin tsen je chjota alikuijin titsjoa sʼe̱ni tokoán nga kʼuínyasoán. Ñʼaijin koa̱nná nga ya kʼuínyasoán jñani tjín chjota xi xin ʼndele kʼoa tsa xi kjaʼaí religión tjínle. Kʼoajin tiñʼai koa̱nná nga kʼuínyalee Énle Niná je chjotandaindʼianá xi nyiná kʼoa xi ma̱ tjíosíjchá yaole. Kʼiatsa tokui kjuinñá josʼin tsen je chjota kʼoajinsʼin si̱kjaʼaitsjeen nga tsín kjuinrʼoéná kʼiatsa Énle Niná kʼuínyalee. Kuenta sʼiaan nga kui xi mele Jeobá “nga ngatsʼi chjota kuitjontjai, kʼoa nga kuichonrʼoe xi kjoakixi” (1Ti 2:4).
Takui je VIDEO Xi bakóyaná je “Xo̱n xi Bájinkonná”: Tsín tokui kjuinñá josʼin matsen je chjota. Xijekoa̱n, chjónangi jebi:
Tojosʼin bakó ya video, jósʼin síkjaʼaitsjen chjota tʼatsʼe xi kjaʼaí.
Jósʼin kuiyoaa ya jinjtín kʼiatsa xíngiaa chʼa̱sjengiaa.
Jmé xi tsakasenkao je ndsʼee xi bakó video nga tsín chjota tsakʼasjengi.
Jmé xi bakóyali je Xo̱n xi Bájinkonná xi bakó ya video.
8. Nga chotʼaya Biblia
(30 min.) lfb kjoaʼmiya 46, 47