Je Jesús “koanle nga nda kisitjoson”

Je Jesús sítjosonle ngantsjai je Jeobá (Juan 8:29). Tonga ánni kʼoatsoni Biblia nga “koanle nga nda kisitjoson” xi totʼatsʼe “kjoañʼai xi tsakʼaile” (Heb. 5:8).

Nʼio ndasʼin tsakʼejna je Jesús ya ngʼajmi, tonga kʼianga jaʼai i̱ sonʼnde tsee kjoa jaʼatojin. Je xi xijchále koan tsjoake koan Jeobá, kʼoa je Jesús kisitjosonle ninga chjotajée koan (Luc. 2:51). Je xi tsakinyatítjonle religión kao chjotaxá totaon tsabe je Jesús (Mat. 26:59; Mar. 15:15). Xi ijngosani, tsee kjoañʼai kinikjaʼá kʼianga kinikʼien, tonga “nangitokon koan” kʼoa “kisitjoson saʼnda nga kinikʼien” (Filip. 2:​8, TNM).

Ninga kjesa kui kjoa faʼatojinjin kisitjoson je Jesús nga tsakʼejna i̱ sonʼnde. Nga Rey sʼin tíjna kʼoa nga Naʼmitítjon sʼin tíjna, nʼio nda majinle josatío tokoán kʼianga kjoa bitjatojiaan (Heb. 4:15; 5:9). Ngisaa tinda tsakʼejnangáni ngixko̱n Jeobá nga kisitjoson ninga tse kjoa jaʼatojin. Kʼoati nda kuiyoaa ngixko̱n Jeobá kʼiatsa si̱tjosoán ninga tse kjoa kuitjátojiaan (Sant. 1:4).