Isʼin faʼaitʼa

Je chjotale Cristo tjínnele koakole kjoaxkóntokon xi kjaʼaí. Je kjoaʼmiya jebi kui kuitsoyaná ʼyáni xi ngisa tjínnele koakolee kjoaxkóntokon kʼoa ánni. Kʼoati jchaa jmé kjoanda tjenkao nga ʼyaxkoán xi kjaʼaí.

Je Biblia kʼoatso kʼianga jngó jngó chjota xi kuitsoni jmeni xi sʼin. Jméni xi koasenkaoná nga kui xi ndatjín chjoéjiaan. A tjínnele si̱kʼantjaiyaa jmeni xi jetsakʼendajiaan tsakai. Kui kuitsoyaná je kjoaʼmiya jebi.

Nga chjotajée maa, saténgi sakʼoaa ngatsʼiaa. Tonga a kui xi tsonile nga tsín koa̱n nda sʼiaan ngixko̱n Jeobá. Nga jao kjoaʼmiya jebi kui chótʼayajiaan choa̱le ño rey xi tsʼe Judá kao jñani chʼao kisʼin. Sakʼoaa nʼio tse kjoa kichomani jmeni xi kisʼin. Ninga kʼoalani, je Jeobá kʼoasʼin tsabekon nga ñaki kao ni̱ma̱le kisixánile. Kʼoa ñá, jósʼin bekonná je Jeobá. A kʼoasʼin bekonná nga ñaki kao ni̱ma̱ná tinixánilee ninga saténgi sakʼoaa.