Kjoaʼmiya 12

¿Jmé xi ma kʼianga je mʼe?

Je kjoabiya ngajten le kjoabijnachon. Joni tsa jngo nijñá xi nʼió tjain (Juan 11:11-14). Je kʼien likui ma le nruʼe, be, nchja kʼoa sikjaʼaitsjen (Eclesiastés 9:5, 10). Ngatsʼi relijión ndiso kʼoasʼin tsoya nga je kʼien ya fi ʼnde le espíritu, kʼianga ya koaikatiokao chjota jchínga le. Tonga Biblia li tsa kui bakoya jebi.

Xi je kʼien likui koan le koasenkao ná kʼoa sikiʼaon ná. Chjota bʼasje le sʼui kʼien le kʼoa bʼenda le nga bechjoaʼa nga kʼoasʼin makjain le nga nda sʼe le xi je kʼien. Tonga, Niná likui nda sʼe le kjoa jebi nga kjoandiso le Satanás tjenkao. Kʼoa likui josʼin nda sʼe ni le kʼien nga tsín le kjoabijnachon. Kui nga, likui tjínne ná nga kuinokjon le kʼoa jchaxkoán kʼien; to Niná xi tjínne ná jchaxkoán (Mateo 4:10).

Je kʼien kjoaʼai katiokon ijngo kʼa ni. Jeobá sikjaʼa le kʼianga ya koatiokon ya Soʼnde naxó (Juan 5:28, 29; Hechos 24:15). Niná koan le sikjaʼa le xi je kʼien joni tsa ji nga koan li sikjaʼa lai jngo xi kijnafé (Marcos 5:22, 23, 41, 42).

Je én xi tso kʼianga tsín mʼe jngo kjoandiso, kʼoa Satanás jé Nai je xo tisʼin kʼianga nʼió nkjín chjota xi kʼoasʼin kjimakjain le. Satanás kao ngatsʼi nai tjengí le kʼoa tjiósíkao chjota nga kʼoasʼin kjimakjain le nga tjín espíritu le kʼien, kʼoa nga tjiókon, kʼoa nga je tsjoá chʼin kʼoa kjoa xi kjaʼai sa le. Satanás sa kʼoa síchjen nijñá kʼoa kao xi faʼaya xkon chjota nga bʼanacha le. Kui nga, Jeobá kjoañʼai tsjoá ni le chjota xi kʼien basjai nga fakao (Deuteronomio 18:10-12).