Jósʼin tíʼmiyason énnda xi tʼatsʼe Niná

Je Jeobá jeme kjoaʼaxin je kjoa xi tjín i̱ Sonʼnde kʼoa kui chjotaxále sichjén nga kʼoasʼin. Kʼoa kuinga machjénni nga kjoájinkoaan je chjota. Je Jesús kui xi koanmele nga katatsoyason ngakjijnda Sonʼnde én jebi je chjotatjenngile (Mateo 28:​19, 20). Jmé xi tjíosʼín je testigole Jeobá nga tjíosítjoson jmeni xi kitso je Jesús.

1. Jósʼin tíbitjoson ndʼaibi jmeni xi tso Mateo 24:14

Je Jesús i kitso: “Je énnda xi tʼatsʼe je kjoatéxomale ngʼajmi kuinókjoayani ngakijnda sonʼnde” (Mateo 24:​14). Jin xi testigole Jeobá maijin tsjoachaníjin nga ʼmiyasuinjin. Tiʼmiyasonníjin ngakjijnda Sonʼnde kʼoa tsʼato 1,000 koya én xi nchja̱ chjota tiʼmiyasuinjin. Nʼio nda tjínndajin josʼin tíʼmiyason nga̱ nʼio tse xá tjenkao. Alikuijin kuitjoson tsa tsín je Jeobá koasenkaoná.

2. Jmé xi nʼiaijin nga ʼmiyasonlaijin je chjota

ʼMiyasonníjin tojñani tjío je chjota. Tojo kisʼin je chjotale Cristo xi tsakatio nga siglo 1, xki̱ niʼya ʼmiyasuinjin (Hechos 5:​42). Nga kʼoasʼin tjínndajin nga xki̱ niʼya ʼmiyasuinjin millón chjota ʼmiyasonle nga xki̱ nó. Tonga nga sakʼoa tsín tsaojiaan chjota ya ndʼiale kʼoati ʼmiyasuinjin tojñani. Fasjailaijin jonʼiaijin nga chjakaonajmíjin je chjota xi tʼatsʼe Jeobá kʼoa kao jmeni xi tjínndajinle.

3. ʼYáni xi kjinele nga kuitsoyason énnda xi tʼatsʼe Niná

Ngatsʼi je xi chjotale Cristo ma tjínnele kuitsoyason je énnda xi tʼatsʼe Niná. Nʼio chjí ʼyaijin xá jebi. ʼMiyaníjin jokji tjen kʼoamanajin nga̱ ʼyaníjin nga kui xi kʼoasjentjai je chjota (tʼexkiai 1 Timoteo 4:​16). Alikui ʼya xi bʼéchjínajin nga kʼoasʼin ʼmiyasuinjin. Je Biblia itso: “Tokjoatjao kitsʼaino, tokjoatjao tʼainio” (Mateo 10:​7, 8). Ningalani tsín nrʼoé je chjota, tosi tonda ʼmiyasuinjin nga̱ kʼoasʼin ʼyaxkónnijin je Jeobá kʼoa kʼoasʼin fayatsjoanijin je ni̱ma̱le.

KATAʼYASAI JME XI TÍNCHJA̱NI

4. ʼMiyasonníjin tojñani tjío je chjota

VIDEO: Tíʼmiyason jña saʼnda nga fetʼa sonʼnde (7:​33)

• Jméni xi tokʼoamali jonʼiaijin xi testigole Jeobá maijin kʼianga ʼmiyasuinjin.

Tʼexkiao Mateo 22:​39 kao Romanos 10:​13-​15 kʼoa cho̱bayaño jebi:

• Ánni kʼoabixónsíñá nga kuinga ʼmiyasonnijin nga tsjoachaijin chjota.

• Jósʼin bekon je Jeobá je xi tsoyason énnda xi tʼatsʼe (chótsenlao versículo 15).

5. Tojngo nixáníjin kao Niná

Nkjín koya xi bakó nga je Jeobá tíbándiaa nga tíʼmiyason. Kataʼyala jmeni xi koan ya Nueva Zelanda. Ñandia nga xki̱ ndʼia xki̱ ndʼia títsoyason jngo testigole Jeobá xi Paul ʼmi, jngo chjoón kisatejin. Je chjoón jebi kʼoakitso nga tsakʼétsʼoale Jeobá nga tanjio kʼoa nga kʼoakitsole nga mele nga tjín xi koasenkao nga skoe̱ xi tʼatsʼe. Je Paul kʼoatso nga jan hora koanskanni yakjoán kicho ya ndʼiale chjoón jebi.

Tʼexkiao 1 Corintios 3:9 kʼoa cho̱bayaño jebi:

• Jósʼin bakó choa̱le je chjoón jebi nga je Jeobá tíbándiaa josʼin tíʼmiyason.

Tʼexkiao Hechos 1:8 kʼoa cho̱bayaño jebi:

• Ánni machjénni nga je Jeobá koasenkao choʼndale nga tosi tonda katatsoyason.

A ʼyaní

Je kjoajtín xi satíonajin nga jinle xomana yaa ʼmiyanajin josʼin kʼuínyasuinjin. Tsa jesa kʼin kjoajtín jebi, jósʼin nikjaʼaitsjain tʼatsʼe josʼin ʼmiyanajin.

6. Jé Niná xi kʼoasʼin mele nga kʼuínyason

Je chjota xi kitjenngike je chjotale Jesús nichxin kjoatse, tsakʼéchjoale nga tsín tikatatsoyasonni. Je chjotale Cristo xi tsakatio nga kʼia, kinchja̱ntjai ngixko̱n chjotaxá “je énnda xi tʼatsʼe Cristo” (Filipenses 1:7). Nichxin xi tiyoaa ndʼaibi, kʼoati nʼiaijin xi testigole Jeobá maijin.a

VIDEO: Nokjoantjainíjin énnda xi tʼatsʼe Niná (2:​28)

Tʼexkiao Hechos 5:​27-​42 kʼoa cho̱bayaño jebi:

• Ánni nga tsínkʼia kjoájñánilaijin nga kʼuínyasuinjin (chótsenlao versículo 29, 38 kao 39).

XI KACHOTʼAYÁ

Je Jesús kʼoakitsole je chjotatjenngile nga katatsoyason je énnda xi tʼatsʼe Niná ngakjijnda Sonʼnde. Jé Jeobá tíbasenkao je naxinandále nga tíbitjosonle xá jebi.

Jmé xi kamajinli

• Jósʼin tíʼmiyason je énnda xi tsʼe Niná ngakjijnda Sonʼnde.

• Ánni kʼoabixónsíñá nga kuinga ʼmiyasonnijin nga tsjoachaijin chjota.

• Jósingái ji, a tsjoa satío tokuinjin nga ʼmiyasuinjin. Ánni.

XI KOASENKAOSALI

Kataʼyai josʼin tsoyason je testigole Jeobá ya naxinandáyʼai.

Jósʼin tíʼmiyason ya París jñani nʼio nkjín chjota tjín (5:11)

Jméni xi tjíosʼín je testigole Jeobá nga tjíotsoyale je chjota xi xin fikatio nga kjoajchán sʼe ʼndele.

ʼMiyale Énle Niná je chjota xi xin fikatio nga kjoajchán sʼe ʼndele (5:59)

Kataʼyai jokji tsjoa tjín kon jngo testigole Jeobá xi ñaki toxále Niná tísʼín.

Nʼio tsjoa tjín tokoan nga ñaki toxále Niná tisʼian (6:29)

Je testigole Jeobá nchja̱ntjai je Énle Niná ngixko̱n kjoatéxoma nga tosi tonda kataʼmiyason.

“Je xi bakóyason nchja̱ntjai ngixko̱n kjoatéxoma je Énle Niná” (El Reino de Dios ya está gobernando, capítulo 13)