KJOAʼMIYA 28
Takui nga chjí ʼyai jme xi kisʼin je Jeobá kao Jesús
Jósʼe tokuin kʼianga jme xi tsjoákjoatjaoli je miyoli. Nʼiojin tsjoa sʼe tokuin kʼoa mejinli koakolai nga ʼyachjí jme xi katsjoáli. Je kjoatjao xi kitsjoaná je Jeobá kao Jesús kui xi ngisasa chjíle. Jñánile kjoatjao jebi. Kʼoa jósʼin koakoñá nga ʼyachjiá.
1. Jósʼin koa̱n koakoá nga ʼyachjiá jmeni xi kisʼin je Jeobá kao je Jesús xi totʼatsaan
Je Biblia kʼoatso nga je “xi makjainle tʼatsʼe” Jesús koaan koatio ngantsjai nichxin (Juan 3:16). Jósʼin bakoñá nga tjínná kjoamakjain. Ali tsa tokʼoajin bixoán nga makjainná xi tʼatsʼe Jesús, kʼoati ya bakoñá jmeni xi nʼia (Santiago 2:17). Kʼianga kao kui xi bixoán kʼoa jmeni xi nʼia bakoñá kjoamakjainná, ngisaa mamiyoaa je Jesús kʼoa kao je Jeobá (tʼexkiai Juan 14:21).
2. Kʼiáni nga bakolee je Jeobá kʼoa kao je Jesús nga ʼyachjiá jmeni xi kisʼin
Kʼianga tojeme ni̱kʼien je Jesús kʼoakitsole je chjotatjenngile josʼin koako nga chjí be je kjoabʼechjíntjaile. Kui tsakʼéjna je xi Cenale Nainá tsole Biblia kʼoa kui sʼejna kʼianga faʼaitsjenya Kjoabiyale Cristo (1 Corintios 11:20). Kui kʼoakisʼinni je Jesús nga katasíkjaʼaitsjen je pastrole kʼoa kao ngatsʼi je chjotale nga kitsjoa kjoabijnachonle xi totʼatsaan. Je Jesús i kitso: “Kʼoatʼiaon kuibi jméni nga nda kʼoéjintakonsínináo” (Lucas 22:19). Kʼiatsa kʼuín nga faʼaitsjenya je Kjoabiyale Cristo, kʼoasʼin koakoni nga ʼyachjí jokji kjoatsjoacha tíbakóná je Jeobá kao Jesús.
KATAʼYASAI JME XI TÍNCHJA̱NI
Kataʼyala jósasʼin koakoá nga ʼyachjiá jokji kjoatsjoacha tsakakóná je Jeobá kao Jesús kʼoa jókji chjíle nga nikjaʼaitsjenyá je Kjoabiyale Cristo.
3. Jósʼin kʼoainilee kjoanda je Jeobá kao Jesús tʼatsʼe jmeni xi kisʼin
Tobʼelañá, tsa nandá tífixjakaoli kʼoa jngo chjota kʼoasjentjaili. A tosi̱chajinní jmeni xi kasʼín axo kʼoailai kjoanda.
Jmeni xi kisʼin je Jeobá tsakʼasjentjainá. Tʼexkiao 1 Juan 4:8-10 kʼoa cho̱bayaño jebi:
Ánni nga nʼio chjínile nga kitsjoantjainá je kjoabijnachonle Jesús.
Jósʼe tokuin nga nikjaʼaitsjain jmeni xi kisʼin Jeobá kao Jesús xi tʼatsi.
Jósʼin koakoá nga chjí ʼyaa jmeni xi kisʼin Jeobá kao Jesús xi tʼatsaan. Tʼexkiao 2 Corintios 5:15 kao 1 Juan 4:11 kʼoa kao 5:3. Kʼianga jekʼoéxkiao nga jngó jngó texto, cho̱bayaño jebi:
Tojo tso texto jebi, jmé xi sʼiaan nga kʼoee kjoanda.
4. Je Jesús chjénngilee
Ijngosa koya josʼiaan kʼianga koakoá kjoanda kʼiaa nga chjénngilee je Jesús. Tʼexkiao 1 Pedro 2:21 kʼoa cho̱bayaño jebi:
Jmé xi koa̱n sʼiain nga chjénngi je choa̱le Jesús.
Je nioxtila kao je vino totjín xi tsoyanile. Je nioxtila kui tsoyanile je yao tsjele Jesús xi kitsjoa xi totʼatsaan. Kʼoa je vino kui tsoyanile je njínle
5. Nikjaʼaitsjenyañá je Kjoabiyale Cristo
Kʼianga jchai jokoan nga tokʼia kisʼejna títjon je Cenale Nainá, tʼexkiao Lucas 22:14, 19, 20. Kʼoa cho̱bayaño jebi:
Jókoan kʼianga kisʼejna je Cenale Nainá.
Jmé xi tsoyanile je nioxtila kʼoa kao je vino (chótsenlao versículo 19 kao 20).
Je Jesús kui xi koanmele nga xki̱ nó katasíkjaʼaitsjenya je chjotatjenngile je Cenale Nainá. Kuinga xki̱ nó biyojtínnijin xi testigole Jeobá maijin nga nikjaʼaitsjenyaijin je Kjoabiyale Cristo, kʼoa kʼoasʼin mangíntjenngijin jokisʼin je Jesús. Nga jchai josʼin nikjaʼaitsjenyaijin je Kjoabiyale Cristo, chótsenlao VIDEO. Kʼoa cho̱bayaño jebi:
Jóma kʼianga faʼaitsjenya Kjoabiyale Cristo.
Je Jesús tsjoake koan je Énle Niná, kitsoyason kʼoa tsakasenkao xi kjaʼaí chjota
TJÍNKʼA XI I̱ TSO: “Nga kuitjo̱ntjé tokui xi machjén nga koa̱nkjainná xi tʼatsʼe Jesús”.
Jósʼin si̱chjáin Juan 3:16 kao Santiago 2:17 nga koakoyalai je chjota jmesani xi machjén nga sʼiaan.
XI KACHOTʼAYÁ
Kʼianga bakoá nga tjínná kjoamakjain xi tʼatsʼe Jesús kʼoa nga mangián nga faʼaitsjenya kjoabiyale, kui tibakoá nga ʼyachjiá jmeni xi kisʼin tʼatsaan.
Jmé xi kamajinli
Jósʼin bakó jngo chjota nga tjínle kjoamakjain xi tʼatsʼe Jesús.
Jósʼin kʼoainilai kjoanda Jeobá kao Jesús nga chjí ʼyai jmeni xi kisʼin xi totʼatsi.
Ánni nga nʼio chjísínile nga kʼuín nga kjoaʼaítsjenya je Kjoabiyale Cristo.
XI KOASENKAOSALI
Jméni xi sʼiaan nga kʼoasʼin kʼien je Jesús.
Je Jesús kʼoasʼin tsakʼasjengʼani Jeobá josʼin kikao yaole (9:28)
Kataʼyai jméni xi kjoamakjain ʼmi kʼoa jósʼin koakoá.
“Koakoá nga makjainná jmeni xi tso je Jeobá” (Xo̱n xi Bájinkonná, octubre 2016)
Jngo chjoón xi tsakasenkao kʼianga koanjinle josʼin tsoyanile nga tsakʼéchjíntjainá je Jesús. Tʼexkiai tʼatsʼe chjoón jebi ya jñani tso: “Tsjoa tjín tokoan, tsje tjín tokoan kʼoa nyʼán tjín tokoan”.
“Je Biblia síkʼantjaiyaa chjota” (La Atalaya, 1 de agosto de 2011)
Kataʼyai ánni nga tochoa mani xi kjen je nioxtila kʼoa xi ʼbi je vino kʼianga faʼaitsjenya Kjoabiyale Cristo.