KJOAʼMIYA 30
Kjoaʼáya ijngokʼanile xíngi xi jekʼien
Je kjoabiya tse kjoaba kʼoa tse kjoaʼaon síkatíojinná. Kui kʼoatsoni je Biblia nga kontraná ma je kjoabiya (1 Corintios 15:26). Ya kjoaʼmiya 27, kui tsaʼyaa nga je Jeobá kjoaʼaxin je kjoabiya. Tonga, jókoa̱nni je chjota xi jekʼien. I̱ kjoaʼmiya jebi ijngo koya jchaa jmeni xi sʼin je Jeobá. Millón chjota sikjaʼáyale kʼoa koatio ngantsjai nichxin. A kʼoakoa̱n kjoaixi, a yaa ngʼajmi axo i Sonʼnde kjoaʼáyanile.
1. Jméni xi tjínndajinle Jeobá xi kao je xíngiaa xi jekʼien
Je Jeobá jemele sikjaʼáyanile je chjota xi jekʼien. Je Job, jngo chjota xi kisʼele kjoamakjain, ñaki kʼoatsakʼé kon nga je Niná alikui tosichajin, alikui toya kʼoéjna ya tsjó. Je Job i kitsole je Niná: “Kuinókjoaní kʼoa kjuinrʼoele” (tʼexkiai Job 14:13-15).
2. Jómani ʼyaa nga kjoaʼáyanile xi jekʼien
Kʼianga tsakʼejna Jesús i̱ Sonʼnde, je Niná kitsjoale nganʼio nga koan kisikjaʼáyale je chjota xi jekʼien. Kuinga koan kisikjaʼáyanile jngo tsotiʼndí xi 12 nóle kʼoa kao je tile jngo ʼndíchjoónkʼan (Marcos 5:41, 42; Lucas 7:12-15). Xijekoan sajé Lázaro kʼienngá, xi miyole koan je Jesús. Ningalani jeño nichxin tjínle nga kʼien kʼoa jekisʼeñe, je Jesús kisikjaʼáyale. Kʼianga jetsakʼétsʼoale Niná, je Jesús nʼio kinchja̱ kʼoa i kitso: “Lázaro, nroai nditsinbi. Je xi kijnakʼen jitjo” ya tsjó (Juan 11:43, 44). Nga jejaʼáyanile je Lázaro, nʼiojin tsjoa kisatio kon je xínkjín kʼoa kao je miyole.
3. A kjoaʼáyanile xíngiaa xi jekʼien
Je Biblia kʼoatso “nga kjoaʼáyale xi kʼen” (Hechos 24:15). Je chjota xi kisikjaʼáyale je Jesús, alikui kʼoakitso nga ya ngʼajmi ki kʼianga kʼien (Juan 3:13). Tsjoa tjíole ngatsʼi kʼianga i̱ jaʼáyanile. Tojo koan nga kʼia, je Jesús millón chjota jeme sikjaʼáyale nga koatio ijngokʼani i̱ Sonʼnde kʼianga jeʼndenaxó koa̱n. Je Jesús kʼoakitso nga “ngatsʼi xi tjío ya nyʼoákʼen kjuinrʼoéle jta̱le kʼoa kuitjoni ngatsʼi”, saʼnda je chjota xi tsín tiʼya xi faʼaitsjennile tʼatsʼe (Juan 5:28, 29).
KATAʼYASAI JME XI TÍNCHJA̱NI
Kataʼyala je choa̱ xi faʼaitʼa ya Biblia xi bakó nga kjoaʼáyanile je kʼien kʼoa nga ñaki kʼoakoa̱n kjoaixi. Kʼoati jchaa jósʼin tsjoánganʼioná kʼoa tsjoáná kjoachoya nga kjoaʼáyanile xi jekʼien.
4. Je Jesús tsakakó nga koa̱nle sikjaʼáyanile xi jekʼien
Kataʼyala jmeni xi koan nga kisikjaʼáyale Jesús je Lázaro je xi miyole koan. Tʼexkiao Juan 11:14 kao 38-44 kʼoa cho̱bayaño jebi:
Jómani ʼyaa nga ñaki kʼien kjoaixi je Lázaro (chótsenlao versículo 39).
Tsa ya ngʼajmi ki je Lázaro kʼianga jekʼien, ánni nga i̱ kisikjaʼáya ijngokʼanile je Jesús i̱ Sonʼnde.
5. Nkjín chjota xi kjoaʼáyanile
Tʼexkiao Salmo 37:29 kʼoa cho̱bayaño jebi:
Jñáni koatio ngatsʼi je chjota xi kjoaʼáyanile.
Je Jesús ali tsa tojejin sikjaʼáyale je chjota xi je Jeobá kisixále, kʼoati sikjaʼáyale je chjota xi tsín tsabe xi tʼatsʼe Jeobá. Tʼexkiao Hechos 24:15 kʼoa cho̱bayaño jebi:
Kʼianga jekjoaʼáyanile ʼndíkʼien, ʼyáni xi meli jchai.
Tojo sʼín jngo nʼai nga ngotjo síkjaʼánile je tiʼndíle, je Jesús tokʼoasikao nga sikjaʼáyale xi jekʼien
6. Nga kjoaʼáyanile xi jekʼien tsjoánganʼioná kʼoa tsjoáná kjoachoya
Je chjota xi kjoaba tjíojin, nʼio binyakao kʼianga kui bʼéxkia jmeni xi tso je Biblia tʼatsʼe tsotiʼndíle Jairo. Nga jchao jmeni xi koan tʼexkiao Lucas 8:40-42 kao 49-56.
Nga kjesa síkjaʼáyajinle je tsotiʼndí, je Jesús i kitsole Jairo: “Ali jkonjin, tokatamakjainli” (chótsenlao versículo 50). Jósʼin koasenkaoli nga ʼyai nga kjoaʼáyanile xi jekʼien...
kʼiatsa jngo xíngi kuiyá.
kʼiatsa ʼyai nga toje kuiyái.
Chótsenlao VIDEO kʼoa cho̱bayaño jebi:
Jósʼin tjíobinyakao kʼoa tjíosínʼiojin je xijchále Phelicity nga be nga kjoaʼáyanile xi jekʼien.
TJÍNKʼA XI I̱ TSO: “Lijojin koa̱nnile nga kjoaʼáyanile xi jekʼien”.
Jósingái ji.
Jñánile texto xi koakolai je chjota jñani kʼoatso nga kjoaʼáyanile kʼien.
XI KACHOTʼAYÁ
Je Biblia kʼoatso nga millón koa̱nni je chjota xi kjoaʼáyanile. Je Jeobá kui xi mele nga katabatiokon ijngokʼani je chjota xi jekʼien kʼoa jé Jesús jekitsjoale nganʼio nga koa̱n sikjaʼáyanile xi jekʼien.
Jmé xi kamajinli
Jómani ʼyaa nga kui xi mele je Jeobá kao Jesús nga katabatiokon ijngokʼani je chjota xi jekʼien.
Jósingái ji, jñáni koatio je chjota xi kjoaʼáyanile, a yaa ngʼajmi axo i Sonʼnde. Ánni.
Jméni xi bʼéjngo tokuin nga kjoaʼáyanile xíngi xi jekʼien.
XI KOASENKAOSALI
Kataʼyai jme xi koasenkaoli kʼiatsa kjoaba tijnajin.
“Xi kuinyakao je xi kjoaba tjíojin” (¡Despertad!, núm. 3 2018)
A koasenkao je kjoafaʼaitsjen xi tsjoá Biblia je xi ba tjío kon.
Jósʼin kuisenkoaa je xtiʼndí tsa tjín xi kamʼe.
A tjín je chjota xi ya ngʼajmi kjoaʼáyale. A tjín chjota xi tsín kjoaʼáyale.
“Jmé xi tsoyanile je kjoafaʼáya” (Yaa faʼaitʼa ya Internet ya jw.org)