KJOAʼMIYA 53
Kui tʼetsaojinkoai xi sasénle je Jeobá
Je Jeobá jngoo “Niná xi tsjoa tjínle” (1 Timoteo 1:11, TNM). Je Jeobá kui xi mele nga tsjoa katasatío tokoán. Ningalani tse xá tjínná, kui xi mele nga chʼa̱sjeʼaa nichxin nga si̱kjáyaa kʼoa nga kʼoétsaojiaan. I̱ kjoaʼmiya jebi kui jchaa jókoa̱n sʼiaan nga kui kʼoétsaojinkoaa xi koayatsjoa kon je Jeobá.
1. Jméni xi tjínnele kuenta sʼiaan nga chjoéjiaan jmeni xi kʼoétsaojinkoaa
Jméni xi tsjoachai nga nʼiai kʼianga nikjáyai. Tjínkʼa xi libro bʼéxkia, xi música nrʼoéle, xi película kotsenle kʼoa tsa xi ya Internet faʼasʼen. Kʼoati tjínkʼa xi ya fikao miyole kʼiatsa jñani koaikʼetsoma kʼoa tsa koaisíská. Tojmeni xi sʼiaan kui chjoéjiaan “je xi sasénkon Nainá” (Efesios 5:10). Machjén nga kuenta sʼiaan kjoafaʼaitsjen jebi nga̱ je chjota kui kotsenle, kui nrʼoéle kʼoa kui kʼoasʼín jmeni xi jtike je Jeobá, jolani xi kjoachajngi tjenkao, xi kjoatsʼen tjenkao kʼoa xi kjoabʼenda tjenkao (tʼexkiai Salmo 11:5). Jméni xi koasenkaoná nga nda chjoéjiaan jmeni xi kʼoétsaojinkoaa.
Tsa je si̱miyoaa je chjota xi tsjoake je Jeobá, koasenkaoná nga ndasʼin kjuinkoaa je yaoná kʼoa nga nda chjoéjiaan jmeni xi kʼoétsaojinkoaa. Tojosʼin tsaʼyaa ya kjoaʼmiya 48, “je xi chjotachjine bʼamjekao chjinee koa̱n”, tonga je xi ya bájta chjota xi tsín sítjosonle Jeobá “kjoa ska̱jin” (Proverbios 13:20).
2. Ánni ndatjínsíni nga chósonnilee jokji nichxin si̱kʼayalee jmeni xi bʼetsaojinkoaa
Ningalani ndatjín jmeni xi bʼetsaojinkoaa machjén nga tsín si̱kʼatoné choa̱le. Tsa nkjín hora si̱kʼayalee jmeni xi bʼetsaojinkoaa alikuijin titsjoániná nichxin nga kʼoasʼiaan jmeni xi ngisa nʼio chjíle. Je Biblia itso: “Ali nichxinjin nichalao yaono” (tʼexkiai Efesios 5:15, 16).
KATAʼYASAI JME XI TÍNCHJA̱NI
Kataʼyala jókoa̱n sʼiain nga nda chjoéjin jmeni xi kʼoétsaojinkoai.
3. Alikuijin bʼetsaojinkoai je xi chʼaotjín
Ánni nga nda chjoéjinsíñá jmeni xi kʼoétsaojinkoaa. Chótsenlao VIDEO kʼoa cho̱bayaño jebi:
Jósʼin mangóson jmeni xi bʼétsaojinkao chjota nichxin xi tiyoaa ndʼaibi kʼoa jokisʼin nichxin kjoatse je chjota xi ya Roma tsʼe.
Tojosʼin kaʼyaa ya video, jméni xi koanjinle je Dany tʼatsʼe kjoasʼetsaojin.
Tʼexkiao Romanos 12:9 kʼoa cho̱bayaño jebi:
Jósʼin basenkaoná texto jebi nga chjoejiaan jmeni xi bʼetsaojinkoaa.
Jméni je xi jtike Jeobá. Tʼexkiao Proverbios 6:16, 17 kao Gálatas 5:19-21. Nga jekʼoéxkiao nga jngó jngó texto cho̱bayaño jebi:
Jñánile kjoa xi síkʼaxki̱ texto jebi xi ngisa kʼoasʼín je chjota kʼianga bʼétsaojin.
Xi koasenkaoná nga nda chjoéjiaan xi kʼoétsaojinkoaa
Tikjaʼaitsjain jebi:
Jméni xi sʼian. A kui tjenkao xi jtike je Jeobá.
Kʼiáni kʼoasʼian. A kʼiakjoán nga kui bʼakaona kʼoasʼian jmeni xi ngisa chjíle.
ʼYá kaoni. A kao chjota xi tsín tsjoake je Jeobá.
Tsa tsín mená nga tjín xi koa̱nná, tjínnele nga tsínkui kʼoasʼiaan je xi xkón sikatíoná. Kuinga machjénni nga tsínkui kʼoétsaojinkoaa je xi chʼaotjín, xi sikiʼaonná
4. Nda tichjain nichxinli
Chótsenlao VIDEO kʼoa cho̱bayaño jebi:
Ningalani tsín chʼaotjín jmeni xi kotsenle je ndsʼee xi faʼa ya video, jósʼin tsakʼetʼale jme xi kisʼin.
Filipenses 1:10, TNM itso: “Ánni nga jchasíño jméni xi ngisa chjíle”.
Jósʼin koasenkaoná texto jebi nga nda chósonnilee jokji nichxin si̱kʼayalee jmeni xi nʼia nga bʼetsaojiaan.
5. Nda chjoéjin jmeni xi kʼoétsaojinkoai
Tjínkʼa kjoasʼetsaojin xi tsín sasénle je Jeobá, tonga kʼoati tjín je xi sasénle, xi nda batío tokoán kʼoa xi koa̱n kʼoasʼiaan. Tʼexkiao Eclesiastés 8:15 kao Filipenses 4:8 kʼoa cho̱bayaño jebi:
Jméni xi nʼiai ji kʼianga bʼetsaojin.
Kui tʼetsaojinkoai je xi nda kʼoe tokuin
TJÍNKʼA XI I̱ TSO: “Alijmejin xi koa̱nle tsakui chótsenlee je xi kjoabʼenda tjenkao, xi kjoatsʼen sʼín kʼoa tsa xi xínkjín fayokao, tokʼiajin nga chʼaotjín tsa kʼoati sʼiaan tsanda ñá”.
Jósingái ji.
XI KACHOTʼAYÁ
Je Jeobá kui xi mele nga kui kʼoétsaojinkoaa je xi ndatjín kʼoa xi tsjoa kʼoe tokoán.
Jmé xi kamajinli
Ñá xi chjotale Cristo maa, jñánile kjoasʼetsaojin xi tsín kʼoanʼia.
Ánni nga machjénsíni nga nda chósonnilee jokji nichxin nikʼayalee jmeni xi bʼetsaojinkoaa.
A meli kui chjoéjin je kjoasʼetsaojin xi sasénle Jeobá. Ánni.
XI KOASENKAOSALI
ʼYáni xi kjinele nga skoéjin jmeni xi kʼoétsaojinkoaa.
Tʼexkiai jókoa̱n sʼiain nga nda chjoéjin jmeni xi kʼoétsaojinkoai.
“A ndatjín jmeni xi bʼetsaojinkoa” (La Atalaya, 15 de octubre de 2011)
Kataʼyai ánni nga tsín tikui tsakʼétsaojinkaoni jngo chjota jmeni xi bʼétsaojinkao tsakai, tʼexkiai jñani tso: “Alikui tichjota tsakʼasjengiña”.
“Je Biblia síkʼantjaiyaa chjota” (La Atalaya, 1 de febrero de 2010)
Kataʼyai jmé xi kisʼin jngo chjoón nga tsínkui kiskotsenle je xi kjoabʼenda tjenkao.