Tʼailai kjoandosin je xá xi kjineli

Jokisʼin Jesús

VIDEO: Nga kitsoyale Jesús je Nicodemo

1. Chótsenlai VIDEO, kʼoa tsa maije̱ tʼexkiai Juan 3:​1, 2. Xijekoa̱n, chótʼayajin kjoachjonangi jebi:

1. Ánni nga kʼianga njio koanmenile ki je Nicodemo jña tíjna Jesús (tʼexkiai Juan 12:​42, 43).

2. Nga tsakjákaonajmí Jesús ninga jekoannjio kicho Nicodemo, jósʼin tsakakó nga kui xi koanmele nga chjotatjenngile katama.

Jméni xi bakóyaná jokisʼin Jesús

2. Nga tsjoachaa je chjota bʼenelee yaoná nga binyakoaa nga chjotatjenngile Jesús katama.

Chjénngi choa̱le Jesús

3. Kʼia tʼailai estudio jme horani kʼoa jñani skénndiaale je xi tiʼmiyalai. A tsen tjín nichxin kʼoa jme horani nga skótʼaya. Jñáni mele nga skótʼaya, a yaa jña síxá, a yaa ndʼiale axo xin. Kʼiatsa kʼoakoa̱nli, kʼoachon tʼinyalai jme hora kuitsoli.

4. Ntsjaintsjai chótʼayao. Kʼiatsa tjín jña kʼuín, i̱ tʼiain:

1. Kjaʼaí nichxin tʼinyalai nga tikuini xomana.

2. Teléfono kʼoa tsa videoconferencia tichjain nga tʼinyalai.

3. Kjaʼaí xi kʼoatʼinlai nga katatsjoále estudio.

5. Tijélai nganʼio je Jeobá nga tsín katanroajen tokuin. Kʼoatʼinlai Jeobá nga tsín kʼoasʼin si̱kjaʼaitsjain nga toxitsjoa jme xi tinʼiai nga tiʼmiyalai xi tibʼailai estudio kʼiatsa sakʼoa tsín kotʼaya kʼoa tsa tsín ndi̱to̱n sítjoson jme xi kjimajinle (Filip. 2:13). Tijélai Jeobá nga katabasenkaoli nga kui kuenta sʼiain jñani nda sʼín je xi tiʼmiyalai.