Josʼin koa̱n sʼe̱yo je rebista

Jósʼin koa̱n sʼe̱tsʼiakao estudio kʼianga xoto nga tífitsʼia sá diciembre

“Nʼio nkjín chjota xi kui koyale nga kjoaʼaí ngindia je Cristo. Tsa kjoaʼaílani, jméni xi meli nga katasʼín.” Xi jekuinchja̱ je chjota, takolai ya jto̱n yátsʼi̱n je Xo̱n xi Bájinkonná xi tsʼe 1 sá diciembre. Tʼinyalai je kjoachjonangi xi títjon faʼaitʼa kao párrafole kʼoa tʼexkialai ninga tojngo testo xi ya nroatʼa. Tjayolai je rebista kʼoa kʼoatʼinlai nga kʼuínchon ijngokʼalai nga chótʼayao kjoachjonangi xi majaoni.

Xo̱n xi Bájinkonná 1 sá diciembre

“Mani nga nʼio tse xá tjínná, tjín chjota xi me tsín maʼale nga síkjaʼaitsjen tʼatsʼe Niná. Jósi ngái ji, a ngisa nda kuiyoaa tsa kuijnyísjee je Niná. [Tʼaiʼndelai chjota nga katanchja̱.] Je Jesús kʼoakitso nga kui xi fáyatsjoa tokoán nga bijnyisjé je Niná [tʼexkiai Mateo 5:6]. Je rebista jebi jan koya bakóya josʼin basenkaoná nga bijnyisjé je Niná.”

¡Despertad! Diciembre

“Jmeni xi tso chjota kʼoa josʼin síkjaʼaitsjen sakʼoa ya nroani jotso noticia xi faʼa jolani tsa ya telebisión. Jósi ngái ji, a ñaki kʼoatjín jmeni xi tso je noticia xi noʼyá. [Tʼaiʼndelai chjota nga katanchja̱.] Je Biblia tsjoáná kjoafaʼaitsjen nga tsín koa̱n tokoa̱nkjainyejená jmeni xi noʼyá [tʼexkiai Job 12:11]. Je rebista jebi tsjoá kʼaná kjoafaʼaitsjen josʼin jchañá tsa ñaki kʼoatjín jmeni xi sʼejinná.”