Josʼin koa̱n kʼuínyasoán

Jósʼin koa̱n sʼe̱tsʼiakao estudio kʼianga xoto nga tífitsʼia sá septiembre

“Nʼio nkjín chjota xi makjainle nga tjín ánkje. Jósʼin nikjaʼaitsjenngái ji. [Tʼaiʼndelai chjota nga katanchja̱.] Je ánkje nʼio tjínle nganʼio, tonga a koaanle kuinyakaoná. Je Biblia kʼoatso josʼin binyakaoná.” Xijekoa̱n, takolai je kjoachjonangi xi títjon faʼaitʼa ya jto̱n yátsʼi̱n je Xo̱n xi Bájinkonná xi tsʼe 1 sá septiembre. Kʼoa tʼinyalai jotso je párrafole kjoachjonangi jebi kʼoa tʼexkialai ninga tojngo testo xi ya nroatʼa. Tjayolai je rebista kʼoa kʼoatʼinlai nga kʼuínchon ijngokʼalai nga chótʼayao kjoachjonangi xi majaoni.

Xo̱n xi Bájinkonná 1 sá septiembre

“A koa̱nndachon ijngokʼani je Sonʼnde nga kʼoasikji tjíosíkitsón je chjota. [Tʼaiʼndelai chjota nga katanchja̱.] Ningalani tsín koa̱nle je chjota nga sindachon ijngokʼani jmeni xi tjíosíkitsón, ya Biblia kʼoatso nga je Niná koaanle sindachon je Sonʼnde kʼoa mele kʼoasʼin tojo tso ya Salmo 65:9 [tʼexkiai]. Rebista jebi bakóya josʼin sikuinda Niná je Sonʼnde nichxin xi nroaján kʼoa jmeni xi sʼiaan nga so̱koná je kjoanichikontʼain xi nroakao. Matsjoana nga sikájnale.”

¡Despertad! Septiembre

“Kui tichjakaonajmínijin je xíngiaa xi tʼatsʼe je xá. Tjínkʼa chjota xi nʼio síxá kʼoa saʼnda tsín tibeni kʼiani nga sikjáya. Je xi kotʼayason xi tʼatsʼe jebi, kʼoatso nga nʼio nikiʼoaan yaoná kao kjoafaʼaitsjenná kʼianga bitjatone choa̱le jokji nixá. Jméni xi koasenkaoná nga chósonnilee jokji tje̱n si̱xá. [Tʼaiʼndelai chjota nga katanchja̱.] Je testo jebi basenkaoná nga ninkjínlee tokoán xi tʼatsʼe je xá [tʼexkiai Eclesiastés 4:6]. Rebista jebi ño koya kjoafaʼaitsjen nroatʼa je xi basenkaoná jmeni xi ngisa kʼoailee kjoandosin kʼoa nga tsín nʼio kuijtajinná je xá.”