JONʼIA XI CHJOTALE CRISTO MAA

Nga chjotatjenngile Cristo si̱koaa chjota, machjénní nga kʼuínyasoán kʼoa nga koakoyaa

Je Jesús kʼoakitsole je chjotatjenngile nga katafi kʼoa chjotatjenngile katasíkao je chjota (Mt 28:19). Nga si̱tjosoán én jebi tjínnele nga kʼuínyasoán kʼoa koakoyaa. Nda nga chjónangilee yaoná jebi: “Jósʼin nga ngisa nda kuitjosonna nga chjotatjenngile Cristo sikoa je chjota”.

NGA ʼMIYASOÁN

ʼNdele nga tokui chóyalee nga je chjota katafaʼaikonná, ñá kjinená nga kuijnyísjee ʼyani xi mele skótʼaya (Mt 10:11). Kʼianga tiʼmiyasoán, a chjakaonajmíñá je chjota xi toya satéjiaan yandiaa (Hch 17:17). Chjotatjenngile Cristo koan je Lidia xi totʼatsʼe nga je pastro Pablo nʼio tsakʼénele yaole nga kitsoya (Hch 16:13-15).

Je Samuel jngo rebista títsjoále Ezequiel. Je Solomon kao Mary tjíobakóyale Ezequiel kao Abigail — “Tʼentjai ntje̱li kʼianga tanjio, kʼoa likui katasíkjáya ndsai saʼnda nga koa̱nxon” (Ec 11:6).

KʼIANGA JECHÓTSENLAI JE VIDEO TOSI TONDA KʼUÍNYAA JE ÉNNDA CHJOTSE: TOJÑANI TITSOMAA KʼOA NGA XKI̱ NDʼIA XKI̱ NDʼIA ʼMIYAA, CHÓTʼAYAJIN KJOACHJONANGI JEBI:

Jósʼin tsakakó Samuel nga tsakʼénele yaole nga kitsoyantsjai je Énle Niná.
Ánni nga tjínnile kjoandosin nga si̱chjén jotjín koya tjín josʼin ʼmiyasoán.
ʼYáni xi koa̱n kjoakaonajmíña tʼatsʼe Chjotaxále Niná kʼianga kui kʼoatisʼian je xá xi tjín nichxin nga nyaon.

NGA BAKOYAA

Alikui koa̱n chjotatjenngile Cristo si̱koaa je chjota kʼiatsa to xo̱n si̱káyolee. Nga nʼio katasʼejna je kjoamakjainle je xi kachjakaonajmía machjén nga kjuinchón ijngokʼalee kʼoa koakoyalee (1Co 3:6-9). Tonga jmé xi sʼiaan tsa tsín síkʼantjaiya yaole chjota ningalani tse kjoama̱ tibʼengiaa nga tiʼmiyalee (Mt 13:19-22). Tjínnele nga tosi tonda kuijnyísjee je chjota xi ndʼé tjío ni̱ma̱le (Mt 13:23; Hch 13:48).

Solomon kao Mary estudio tjíotsjoále je Ezequiel kao Abigail. Je Ezequiel kao Abigail yaa tjíotsoyason jña nʼio tjín chjota — “An tsakʼentje, Apolos tsakʼéjtenngile nandá, tonga Niná xi kisijchá” (1Co 3:6).

KʼIANGA JECHÓTSENLAI JE VIDEO TOSI TONDA KʼUÍNYAA JE ÉNNDA CHJOTSE: KʼIANGA ʼMIYAA JÑANI NʼIO TJÍN CHJOTA KʼOA NGA CHJOTATJENNGILE CRISTO SI̱KOAA CHJOTA, CHÓTʼAYAJIN KJOACHJONANGI JEBI:

Jósʼin tsakinyakao Solomon kao Mary je Ezequiel kao Abigail nga tosi tonda katamandosinle xi tʼatsʼe Niná.
Jméni xi kuenta sʼiaan kʼianga ʼmiyaa ya jña nʼio tjín chjota kʼoa nga si̱chjén jotjín koya tjín josʼin ʼmiyasoán.
Jméni xi sakʼoa machjén nga sʼiaan nga tosi tonda kui koakoyaa xi ñaki kixi.