Jméni xi machjén nga chjotatjenngile Jesús koaan

9:62

Alikuijin kixi kʼoenyi je chjota xi tsojmi bʼéntje tsa toxinla skótsen. Xi chjotale Cristo maa alikui koa̱n nga tokuila si̱kjaʼaitsjeen jmeni xi kinikatioá nichxin kjoatse (Flp 3:13).

Kʼianga kui bitjatojiaan kjoa xi ñʼai tjín tochajinle kui si̱kjaʼaitsjeen jmeni xi kinikatioá, jolani josʼin tiyoaa nga kjesa ʼyajián tʼatsʼe Jeobá. Kʼianga kʼoanʼia, tokui ngisa nikjaʼaitsjeen nga nda tsakiyoaa tonga likui kuenta nʼia je kjoa xi tsakiyojiaan. Kʼoakoan je chjota israelita nga jekitjoni ya Egipto (Nú 11:5, 6). Tsakui nʼio si̱kjaʼaitsjeen josʼin tsakiyoaa nichxin kjoatse tochajinle koa̱nmená nga kʼoasʼiaan jokinʼia ngasʼa. Tongisa nda nga kui si̱kjaʼaitsjeen je kjoanda xi tjínná ndʼaibi kʼoa kao xi sʼe̱ná nga jekoatexoma Chjotaxále Niná i̱ Sonʼnde (2Co 4:16-18).