Tikjaʼaitsjaon jme xi koantʼain chjoónle Lot

Je Biblia alikui bʼéyanajmí ánni nga yátsʼi̱n kiskotsenni je chjoónle Lot kʼianga tíbitjoni ya Sodoma (Gé 19:17, 26). Tonga jmeni xi kitso Jesús kui tsoyaná nga tochajinle kui kisikjaʼaitsjen je tsojmi xi kisikatío (Lu 17:31, 32). Alikui kisasenle Niná jmeni xi kisʼin je chjoónle Lot. Jméni xi koa̱n sʼiaan nga tsín kʼoakatamaa. Alikui kui títjon si̱katioá je tsojmi xi tjín i̱ Sonʼnde (Mt 6:33). Je Jesús i kitso: “Alikui koa̱n nixálao nga jao, Niná kao kjoanyiná” (Mt 6:24). Jméni xi tjínnele sʼiaan tsa tsín timaʼaniná nga xále Niná nʼia xi totʼatsʼe nga nkjín tsojmi mená sʼe̱ná. Si̱jélee je Jeobá nga katabasenkaoná nga kataʼyaa jñani machjén nga si̱kʼantjaiyaa yaoná kʼoa kʼoati si̱jélee nganʼio nga koa̱n kʼoasʼiaan.

KʼIANGA JECHÓTSENLAI NGA JAN VIDEO TIKJAʼAITSJAON JME XI KOANTʼAIN CHJOÓNLE LOT, CHÓTʼAYAJIN KJOACHJONANGI JEBI:

• 

  Kʼianga kui kʼoatsakʼinle je Gloria nga ngisasa tse tao̱n katasʼele, jósʼin tsʼantjaiya jmeni xi kisʼin, jme xi kisikjaʼaitsjen kʼoa jme xi kitso.

• Jméni xi tsoyaná jmeni xi koanle je chjoónle Lot.

• Jósʼin tsakasenkao Joel kao familiale je kjoafaʼaitsjen xi tsjoá je Biblia.

• Kʼianga je kisimiyo je xti xi ñatjen síxá Ana, jókoan je kjoamiyo xi tjínle xi kao Jeobá.

• Ánni nga kjoanʼiojin machjénniná nga tsínkui títjon si̱kʼéjnaa je tao̱n.

• Jméni xi kisʼin je Gloria kao Brian nga kui títjon kisikatío ijngokʼa je xále Niná.

• Jmé kjoafaʼaitsjen xi tsjoá je Biblia nʼio tínchja̱ni video jebi.