Je si̱miyoaa xi tsjoake je Jeobá

Nʼio ndatjín nga je fajtaa xi tsjoake Jeobá. Nga̱ je miyo xi nda sʼín basenkaoná, tonga je miyo xi chʼao sʼín kjoa kaníjinná (Pr 13:20). Tobʼelañá, je rey Jehoás kui kʼoakisʼin xi ndatjín ngixko̱n Jeobá kʼianga je kisimiyo je naʼmitítjon Jehoiadá (2Cr 24:2). Tonga kʼianga kʼien je Jehoiadá, je Jehoás yátsʼin tsakasénle je Jeobá, kʼoa kui kʼoakoanni nga tsín nda miyo kisʼele (2Cr 24:17-19).

Kʼianga siglo 1, je pastro Pablo jngoo niʼya xi je kji kisingósonkao je jtín kʼoa je xi vaso kitsole jéní chjotale Cristo. Yaa mangósoán je vaso xi ndasʼin machjén kʼianga tsín je nimiyoaa je chjota xi kui kʼoasʼín jmeni xi tsín sasénle je Jeobá, ninga xíngiaa mani kʼoa ninga kʼoati testigole Jeobá mani (2Ti 2:20, 21). Tosa je kjoájtaa kʼoa si̱miyoaa je xi tsjoake Jeobá kʼoa xi kʼoatsoná nga je si̱xálee.

KʼIANGA JECHÓTSENLAI JE VIDEO ALIKUI JE SI̱MIYOAA XI KUI KʼOASʼÍN JE XI CHʼAOTJÍN, CHÓTʼAYAJIN KJOACHJONANGI JEBI:

• Jókoa̱nni jchaa tsa je tinimiyoaa chjota xi tsín nda sʼín.

• Jméni xi tsakinyakao je ndsʼee xi jan mani nga tsín tije kisimiyoni je chjota xi kui kʼoasʼín je xi chʼaotjín.

• Jñánile kjoafaʼaitsjen xi tsjoá je Biblia koasenkaoná nga nda chjoéjiaan je miyoná.