Alikui chajinle Niná kʼianga kui kʼoanʼia jmeni xi ndatjín

Kʼianga je Jeobá tinixálee koaan ndasʼin kuiyoaa ngixko̱n. Tojo sʼín jngo nʼai nga faʼaitsjenle jmeni xi kisʼin je xtile, je Jeobá kʼoati faʼaitsjenle jmeni xi nʼia kʼoa je kjoatsjoacha xi bakoá xi kao jaʼaínle (Mt 6:20; Heb 6:10). Nga jngó jngoá kjaʼaí kjaʼaí jmeni xi maná nʼia kʼoa kjaʼaí kjaʼaísʼin tiyoaa. Tonga ngatsʼiaa koaan kʼoénelee yaoná nga si̱xálee je Jeobá jokji kʼoakoa̱nná, tsa kʼoasʼiaan nʼio tsjoa sʼe̱ tokoán (Gál 6:4; Col 3:23). Jokji tífaʼa nó, nkjín jmi mani je ndsʼee xi ya Betel tjíotsjoánganʼio. Tsa kʼoakoa̱nli, a koaan kʼoasʼin kʼoéndajin nga kʼoati ya kʼoainganʼiui. Axo koaan kʼoainganʼiolai tsa ʼyani xi mele ya koai. Kʼoa tsa je xíngi xi jeya tísíxá, a koaan kuisenkoai kʼianga tosi tonda ya katabʼejna.

KʼIANGA JECHÓTSENLAI JE VIDEO JMÉNI XI TJÍNNELI SʼIAIN NGA KOA̱N YA SI̱XÁI YA BETEL, CHÓTʼAYAJIN KJOACHJONANGI JEBI:

• Ánni nga ya Betel menina sixá.

• Jótso kʼa je ndsʼee tʼatsʼe je kjoanichikontʼain xi tjíosokóle nga ya tjíosíxá ya Betel.

• Jméni xi nijéle je xi mele ya sixá.

• Jméni xi tjínnele sʼin je xi mele ya sixá ya Betel.