Je Jeobá be jmeni xi machjénná

Je choʼnda xi nʼiotʼakon, xi nda be xá, kʼiaa tsjoáná nga “fichó choa̱le” jmeni xi machjénná. Kui bakóná jebi kʼianga je Jeobá tíbándiaale choʼnda jebi, kʼoa be jmeni xi machjénná xi tʼatsʼe Niná nroani (Mt 24:45). Tobʼelañá, kjoajtín xi satíoná nga jinle xomana kʼoa kao kjoajtíntse xi jan nichxin satíoná.

KʼIANGA JECHÓTSENLAI JE VIDEO JMENI XI SʼÍN COMITÉ DE ENSEÑANZA (2017), CHÓTʼAYAJIN KJOACHJONANGI JEBI:

• 

  ʼYáni xi tjínnele kuitjojeya tʼatsʼe kjoajtíntse xi satíoná, kʼoa ánni.

• Kʼiáni sʼetsʼiakao nga satíonda jmeni xi faʼa ya kjoajtíntsená.

• 

  Jósʼin tjoéjin je tema xi kuinchja̱ni je kjoajtíntsená.

• Jmé xá kitjenkao nga satíonda je kjoajtíntse xi satíoná.

• Jósʼin mangóson josʼin chotʼayá nga sʼejnaná je kjoajtín nga jinle xomana kao josʼin kotʼaya je xi fi ya Galaad.

• 

  Jósʼin tsjoánganʼio je departamento xi tjío nga sʼenda je Xo̱n xi tjítʼa jme xi chotʼayá.

Jósʼe tokuin tʼatsʼe ngayeje jmeni xi títsjoáná Jeobá.