Jósʼiaan nga ndasa kʼuínyasoán: Katamaná josʼin chja̱koaa chjota kao interfono

ÁNNI NGA NʼIO CHJÍSÍNILE: Nga nʼio ñʼai kjimachon nichxin xi tiyoaa ndʼaibi, nkjín chjota xi cámara batíotʼa ndʼiale kʼoa tsa interfono. Tsakui nichxin tsín tso tokoán nga ya chjakaonajmíñá Énle Niná je chjota ya niʼya jñani interfono tjínle. Je kjoafaʼaitsjen xi faʼaitʼa i̱bi koasenkaoná jókoa̱n sʼiaan nga ngisa nda kʼuínyasoán jñani interfono tjín.

JÓKOA̱N SʼIAAN:

• Kʼoakʼoé tokoán nga ndasʼin kuichomani. Nkjín chjota xi cámara kʼoa tsa interfono tjínle ndʼiale xi nda nrʼoé nga chjakaonajmiá.

• Tjín cámara xi tongini sʼín grabar nga kjesa nikjanejián je timbre kʼoa je chjota be kʼoa nrʼoe jmeni xi bixoán nga kjesa bichojián ya jchxo xo̱ntjoale.

• Kʼiatsa kuinchja̱ je chjota, kʼoasʼin tinókjoakoai joni tsa ñaki tiʼyai. Kʼoatʼiain jonʼiai ngantsjai. Kʼoasʼin chja̱kaonajmí je chjota jokʼuínlai tsa yalani séjnajchxo xo̱ntjoa ndʼiale. Kʼiatsa cámara tjín jña tjen kuinókjoani ali yajin nʼio nichrianlai. Tsa tsín kuinchja̱ je chjota ali mensajejin nikʼéjnalai.

• Kʼianga jekoa̱n kuinókjoakaonajmí je chjota, tikjaʼaitsjain nga tsakui nichxin tojo tíkotsenli kʼoa tojo tínrʼoé jme xi tisi.