Tjajinkuin chjota nga jeme ndasʼin kuiyoaa

Kʼianga sá noviembre kui kjoájinkoaan ngatsʼi chjota nga jeme ndasʼin kuiyoaa (Sl 37:10, 11; Ap 21:3-5). Koaan kʼoéndajiaan jokji tjen kʼoakoa̱nná ngatsʼiaa nga kʼoainganʼioá nga sa̱kóyason. Je xi precursor auxiliar sʼin mele sixá nga kui sá koaan 30 kʼoa tsa 50 hora sikʼasʼen.

Kʼianga kʼuínyasuin, jngo textole Biblia tʼexkialai chjota xi kui tínchja̱ni jokoa̱nchon je sonʼnde chjotse. Kʼianga kʼoéxkiai je texto, kuenta tʼiain josʼin makjainle je chjota ya ʼnde jña ʼmiyasuin. Tsa koa̱nndosinle chjota kʼianga tosʼa chja̱kaonajmí títjuin, tajna jngolai je Xo̱n xi Bájinkonná número 2, 2021. Tʼinchón ndi̱to̱n ijngokʼalai je chjota kʼoa tʼinyalai Biblia kao je folleto Koaan nda kuiyoaa. Nʼio tsjoa satío tokoán nga ʼmiyasoán je Énle Niná (Is 52:7).

KʼIANGA JECHÓTSENLAI JE VIDEO NGA JENDA KUIYOAA, CHÓTʼAYAJIN KJOACHJONANGI JEBI:

• Jmé xi tísíkjaʼaitsjenjin je tsotiʼndí tʼatsʼe nichxin xi nroaján.

• Jméni xi nʼio tichoyalai kʼianga jeʼndenaxó koa̱n i̱ Sonʼnde.

• Kʼianga ni̱kjaʼaitsjenjiaan jokoa̱nchon sonʼndenaxó, jósʼin koasenkaoná nga kʼuínyasoán nga sá noviembre (Lu 6:45).