JONʼIA XI CHJOTALE CRISTO MAA
Tsín si̱kʼajenlee tokoán tsa ñʼai koa̱nná tao̱n
Likui choa ñʼai maná nga nijchá yaoná kʼianga to jenichxin fetʼa tiyoaa. Sa tse sa tsee kjoa sʼe̱ nga tojeme fetʼa jme xi chon sonʼnde. Tsakui nichxin koa̱ntsínná tsa jmeni (Hab 3:16-18). Jmé xi koasenkaoná nga tsín si̱kʼajenlee tokoán tsa ñʼai koa̱nná tao̱n. Xi nʼio kuenta sʼiaan kuinga ñaki kʼoakʼoé tokoán nga je Jeobá koasenkaoná. Kʼoatso nga sikuinda je miyole kʼoa koaanle tsjoáná jmeni xi machjénná tojme kjoa xi kuitjátojiaan (Sl 37:18, 19; Heb 13:5, 6).
Jme xi koa̱n sʼiain:
Kʼoatʼinlai Jeobá nga katabándiaali, nga katatsjoáli kjoachjine kʼoa nga katabasenkaoli (Sl 62:8).
Tixái ninga kui xá kʼoaili je xá xi tsín kʼoanʼiai tsakai (g-S 1/10 8, 9, recuadro).
Tosi tonda kʼoatʼiain jme xi nʼio chjíle, jolani nga nyaon nyaon tʼexkiai Biblia, tʼin kjoajtín kʼoa tʼinyasuin.
KʼIANGA JECHÓTSENLAI JE VIDEO KUI KʼOÉNDAA NDʼIA XI NʼIO KATASʼEJNA: TOKʼOÉJNGOAA TOKOÁN JME XI TJÍNNÁ NDʼAIBI, CHÓTʼAYAJIN KJOACHJONANGI JEBI:
Jméni xi ñʼai koanle familia jebi.
Jméni xi ngisa chjíle.
Jósʼin koa̱n kuinyakoaa xi ñʼai male tao̱n.