Jósʼin kʼoainganʼioá nga kjoaxkón sʼe

Nichxin xi tiyoaa ndʼaibi sa nkjín sa nkjín kjoaxkón tísʼe. Je ndsʼee xi ya tsjoánganʼio jñani kjoaxkón bichó ndasʼin bʼéndajin josʼin maxá. Je Cuerpo Gobernante kʼoatsole je sucursal xi tjío jngo tjíjtsa Sonʼnde nga katasʼe je xi Departamento de Labores de Socorro ʼmi.

Kʼianga sʼejinle je ndsʼee xi ya tjíojinle Departamento de Labores de Socorro nga kjoaxkón kabichó jngo ʼnde, tokjoan nchjaale xi chjotajchínga sʼin tjío nga básjaiya josʼin tjíoni je ndsʼee. Tsa tsín kʼoakoa̱nle nga toje je ndsʼee xi kjoaxkón bichóne, jé sucursal kuinyanda ndsʼee xi koandiaa josʼin koa̱nxá. Je ndsʼee jebi tsakui nichxin kʼoakuitso nga machjénsale nganʼio, tsa jme tsojmi xi machjénle je ndsʼee xi kjoaxkón bichóne, kʼoa tsakuije̱ nga koatse kʼoa sikʼabí je tsojmi xi machjén.

Ngisaa nda bichómani nga kʼoasʼin sʼendajin nga bʼainganʼiole je ndsʼee xi kjoaxkón bichóne. Tobʼelañá, ngisaa ngotjo fitʼani xá, ngisaa choa tao̱n feya kʼoa ngisaa choa tsojmi fe tikʼoajinni tsa toje xosʼin ndsʼee xi ya tsʼe.

Jé ndsʼee xi kuinyanda sucursal kʼoakuitso jótjín tao̱n machjén kʼoa jótjín ndsʼee tsjoánganʼio. Jé koajinkon chjotaxá, nga̱ ngisaa nda bichómani nga sʼejinkon. Kuinga tsín koa̱n nga tao̱n kʼoéxkóñá, nga tsojmi si̱kasénñá kʼoa tsa ya kjuian jñani kjoaxkón kasʼe kʼiatsa tsín toxá kʼoakaʼmininá.

Tsjoachañá je ndsʼee kʼoa kui xi mená nga kʼoainganʼioá kʼianga kjoaxkón sʼe (Heb 13:16). Je xi koa̱n sʼiaan kuinga kʼoétsʼoantjé je ndsʼee xi kjoaxkón bichóne kao je xi ya tsjoánganʼio. Kʼoati koa̱n koatioá tao̱n. Nga je Cuerpo Gobernante bándiaale je sucursal ngisaa nda be josʼin machjén je tao̱n xi batioá. Kʼiatsa mená kʼoainganʼioá jñani kjoaxkón sʼe koaan kʼoéndaa je Solicitud de voluntario local de diseño y construcción (DC-50).

KʼIANGA JECHÓTSENLAI JE VIDEO KʼIANGA KITSENDÁ BRASIL, CHÓTʼAYAJIN KJOACHJONANGI JEBI:

Jméni xi ngisa sasénli jokisʼin je ndsʼee xi ya tsjoánganʼio jñani kjoaxkón sʼe kʼianga kitsendá Brasil.