Kʼianga chótʼayá kuenta sʼiaan jmé xi mele koakoyaná Jeobá

Kʼianga chotʼayá, tsakui nichxin i̱ bixoán: “Jméni xi mena nga koa̱njinna”. Ninga tongini nikjaʼaitsjenjiaan jmeni xi mená koa̱njinná, kʼoati ndatjín nga kuenta sʼiaan jmésani xi mele Jeobá nga koa̱njinná. Jméni xi sʼiaan kʼianga chótʼayá.

Tijélai kjoachjine je Jeobá. Ali tokuijin majngoni tokuin jokji jemajinli Énle Niná (Prov. 3:​5, 6). Kʼoatʼinlai je Jeobá nga katabasenkaoli nga jchai jméni xi mele nga koa̱njinli (Sant. 1:5).

Kui je Énle Niná katabándiaali. “Je énle Niná tíjnakon” (Heb. 4:12). Kʼiatsa kʼoakʼoé tokoán nga mená jchaa jmeni xi mele koakoyaná je Jeobá kʼianga kʼoéxkiaa Biblia, koa̱njinná jmeni xi kje ʼyajián kʼoa nkjínsa koya josʼin koasenkaoná.

Tʼailai kjoanda Jeobá nga bakóyaná. Jmeni xi bakóyaná Jeobá yaa mangóson “tsojmi xi nʼio nda chine” (Is. 25:6). Tsa kʼoéxkiaa ninga kui jmeni xi tsín mandosinná, kʼoasʼin kʼoaiʼndenilee Niná nga koasenkaoná kʼoa ngisaa koa̱nmesaná chótʼayá.