ʼYáni xi meli nga koatexoma | Jótso je Biblia

Nkjín naxinandá jñani koa̱n votar xomana xi nroa, jé chjota skoéjin ʼyáni xi mele nga koatexomale.

Jótso je Biblia xi tʼatsʼe jebi.

Tochoa nganʼio tjínle je chjotaxá

Ya Biblia tsoya joma ngatsʼi chjotaxá.

• “Ali tsa jejin chjotatítjon ninʼiotʼao kʼoa ni jejinla chjota; nga̱ likui koa̱nle kʼoasjentjaino. Je chjota bitjoo je nganʼiole kʼoa machao ijngokʼani, nga tikʼiani cha je kjoafaʼaitsjenle” (Salmo 146:3, 4).

Ninga nʼio tse kjoafaʼaitsjen tjínle jngo chjota xi koatexoma bichó nichxin nga biya. Ninga ndatjín jme xá xi kabʼétsʼiakao jngo chjotaxá, sakʼoa likui tikʼoasʼínni je xi batéxoma nga maskanni (Eclesiastés 2:18, 19).

Ya Biblia kʼoatso nga je chjota alikui kui xá koanndani nga xínkjín koatexomale.

• “Saʼnda likui bakinle je chjota xi tsoʼba nga je koandiaale yaole” (Jeremías 10:23).

A tíjna jngo chjotaxá xi nda koatexoma.

Je chjotaxá xi Niná kiskoéjin

Ya Biblia kʼoatso nga je Niná jé Jesucristo tsakasénnda nga koatexoma, tojé xi koa̱nle nda koatexomaná kʼoa xi koa̱n si̱nʼiotʼaa (Salmo 2:6). Jéní Jesús xi Rey sʼin tíjnale je Chjotaxále Niná, kʼoa yaa ngʼajmi tíjna (Mateo 6:10).

Yaa Biblia tsoyaná ánni nga nʼio tjínnile kjoandosin nga je Jesús chjoéjiaan nga katabatéxomaná:

• “Jchaxkón je ʼndí [Jesucristo], tsa mai, nʼio koa̱njtile je Niná kʼoa kuiyáñó ya yandiaa, nga̱ je sasa majtinile. Nʼio tsjoa tjíole ngatsʼi xi je sínʼiotʼa” (Salmo 2:12).

Nʼio tjínle kjoandosin nga chjoéjiaan ʼyáni xi mená nga koatexomaná. Nga chotʼayajiaan je Biblia majinná nga je Jesús kʼiaa tsakʼétsʼiakao nga tsakatéxoma nga nó 1914. Ya Biblia kʼoati tso nga je Chjotaxále Niná kjoaʼaxin ngatsʼi chjotaxá sonʼnde (Daniel 2:44).

Tsa meli jchai josʼin kʼoainganʼiolai je Jesús, tʼexkiai jñani tso: “Kʼoainganʼiolee ndʼaibi je Chjotaxále Niná”.