Nga ñʼai chon tao̱n | Jméni xi sʼin je Chjotaxále Niná

Jngo tjíjtsa sonʼnde nkjín chjota xi ñʼai male nga sokóle jmeni xi machjénle kʼoa sa ñʼai sa ñʼai kjimachon.

• Jngo jtína xi kʼoakitso nga nʼio choa machjíle je chjota nga xki̱ sá. Kʼoakitso tsa tsín sʼe̱ndajin kjoa jebi nga tokʼa xi nyiná koa̱n kʼoa xi ngikʼa chjota nga nʼio ma̱ sijchá yaole kʼoa nga nkjín xi tsín tinda koationi kao familiale.

A koa̱nle je chjotaxá kʼoendajin nga ñʼai kjimale chjota je tao̱n.

Ya Biblia nchja̱ni tʼatsʼe jngo Chjotaxá xi koa̱nle kʼoendajin kjoa xi tísʼe jolani nga ñʼai chon tao̱n kʼoa jé xosʼin nga tongóson sʼin kuiyoaa ngatsʼiaa. Je Biblia kʼoatso nga je Niná “jngoo chjotaxá koasennda”, tojé chjotaxá jebi koatexoma jngo tjíjtsa sonʼnde (Daniel 2:44). Nga koatexoma Chjotaxále Niná tsín ʼya xi tima̱ sijcháni yaole (Salmo 9:18). Tsjoáná jmeni xi machjénná nga tsjoa sʼe̱ya tokoán. Tsjoa satío kon ngatsʼi jme xá xi sʼin (Isaías 65:21, 22).