Je chjota alikui timakjainnile jotso je chjota político | Jótso je Biblia

Nga nó 2024 nkjín naxinandá jñani koa̱n votar. Tonga je chjota alikui timakjainnile jmeni xi tso je chjota político.

• Kʼianga kichjonangile chjota ya Estados Unidos tʼatsʼe kjoa política nkjín xi kʼoakitso nga “me tongatsʼi xi xá mele nga to yaole fini” kʼoa alikuini kuenta sʼín je chjota (centro de investigación Pew Research Center, 19 sá septiembre nó 2023).a

Nkjín mani je xti xi tsín timakjainnile jmeni xi tso je chjota político.

• “Je xi sʼa xti mele nga kʼoendajin je kjoa xi tjín tonga kʼoatso nga tsín binyakao je chjotaxá” (The New York Times, 29 sá enero nó 2024).

• “Kʼianga kichjonangile je xi sʼa xti ʼyáni xi ngisa sínʼiotʼa, kʼoakitso nga ngisa makjainle jmeni xi tso je chjota ya Internet tikʼoajinni je chjota político” (The Korea Times, 22 sá enero nó 2024).

A koaanle koasenkaoná je chjota político nga ngisa nda kuiyoaa. ʼYáni xi koa̱nle koasenkao kjoaixiná.

A koaan koa̱nkjainná jmeni xi tso je chjota

Tjínnele ndakjoan si̱kjaʼaitsjeen tsa ñaki kʼoatjín jmeni xi tíʼminá. Ya Biblia kʼoatso nga “xi tsín nkjín kon tomakjainyejele tojmeni xi ʼmile, tonga je xi sínkjínle kon kosonnile josʼin binyá ndso̱ko̱” (Proverbios 14:15).

• Nga jchai jméni xi ñaki kʼoatjín kʼoa xi mai, tʼexkiai ya jñani tso “Cómo protegerse de la información falsa”.

Ninga tjío je chjota político xi mele ndasʼin tonga tsín bichó nganʼiole. Je Biblia itso:

• “Ali tsa jejin chjotatítjon ninʼiotʼao kʼoa ni jejinla chjota; nga̱ likui koa̱nle kʼoasjentjaino” (Salmo 146:3).

Jngo chjotaxá xi koa̱n si̱nʼiotʼaa

Ya Biblia kʼoatso nga je Niná jngo chjotaxá kiskoéjin xi nda koatexoma, chjotaxá jebi jéní Jesucristo (Lucas 1:32, 33). Je chjotaxále Niná yaa tíjna ya ngʼajmi (Mateo 6:10).

• Kataʼyai jósʼin koasenkaoná je Jesús nga ndasʼin kuiyoaa. Tʼexkiai jñani tso “ʼYáni xi Rey sʼin tíjnale je Chjotaxále Niná” kao “Jméni xi sʼin je Chjotaxále Niná”